ევროპის სოლიდარობის კორპუსი საშობაო განწყობის გაზიარების მსურველ მოხალისეებს პოლონეთში იწვევს
ევროპის სოლიდარობის კორპუსის პროექტი პოლონეთში იწვევს ახალგაზრდა მოხალისეებს ევროპიდან, მათ შორის საქართველოდან, თავთავიანთი საშობაო ტრადიციების გასაზიარებლად.
პროექტი, “Hey Christmas Carol 6!” 30 ოქტომბრიდან 18 დეკემბრამდე გაგრძელდება. მის ფარგლებში მოხალისეები საკუთარი ქვეყნების საშობაო ტრადიციებზე პრეზენტაციებს მოამზადებენ და საშობაო სიმღერებს შეასრულებენ. ისინი ასევე ჩაერთვებიან ხელოვნების, ხელსაქმის, მუსიკის, თეატრის, პიროვნული განვითარებისა და საკვების თემებზე მოწყობილ სემინარებში.
მოხალისეები სხვადასხვა ქვეყნის საშობაო სიმღერებს ბავშვებთან, მოზარდებთან, შეზღუდული შესაძლებლობის მქონე პირებთან და მოხუცებთან შეხვედრებისას შეასრულებენ. შეხვედრები პოლონეთის ქალაქ ბიდგოშჩში მდებარე სხვადასხვა ადგილას, მათ შორის ოფიციალურ საშობაო ბაზრობაზე მოეწყობა. პროექტის მიზანი განსხვავებული რელიგიური მრწამსის მქონეთა შორის საშობაო ტრადიციებისა და წეს-ჩვეულებების გაზიარებაა.
პროექტი მოხალისეებს უზრუნველყოფს საკვებითა და საცხოვრებლით. მათ ასევე გადაეცემათ ჯიბის ფული და ადგილობრივი ტრანსპორტით სარგებლობისთვის განკუთვნილი ბარათები.
მოხალისეებს უნდა უყვარდეთ მრავალფეროვან ადამიანებთან ურთიერთობა და საერთაშორისო, კულტურათაშორის და სადღესასწაულო გარემოში ყოფნა. თითოეულმა მოხალისემ ბაზისურ დონეზე უნდა იცოდეს ინგლისური და არ უნდა ეშინოდეს აუდიტორიის წინაშე გამოსვლისა და სიმღერის.
განაცხადების შეტანის ბოლო ვადაა 2024 წლის 15 სექტემბერი.
დამატებითი ინფორმაცია
დახურვის თარიღი:
ყველაზე წაკითხული
[popular_posts columns_xl=”4″ columns_l=”4″ columns_m=”3″]
