ნიდერლანდებში მოქმედი პროექტი BioArt Village საქართველოდან მოხალისეებს იწვევს
პროექტი BioArt Village, რომელიც ევროპის სოლიდარობის კორპუსის ფარგლებში 2024 წლის სექტემბრიდან 2025 წლის აგვისტოს ჩათვლით პერიოდში ნიდერლანდებში ტარდება, სამუშაოდ მოხალისეებს იწვევს.
მოხალისეობის მსურველ ახალგაზრდებს მიეცემათ შანსი, იმუშაონ უნიკალურ გარემოში, ჩაერთონ ბუნების წიაღში მნიშვნელოვანი ისტორიული ადგილის აღდგენაში და გამოიმუშაონ ისეთი პრაქტიკული უნარები, როგორიცაა ცხოველების მოვლა, ძეგლების განახლება და გარემოს დაცვა. მოხალისეს მოეთხოვება ინგლისური ენის ბაზისური ცოდნა.
პროექტი ტარდება ავტონომიური კომუნალური მომსახურების მქონე ბუნკერ-კომპლექსში, რომელიც სოფლის სახლების ერთობლიობას ჰგავს. მისი მიზანი ამ შენობათა დანიშნულების შეცვლაა. პროექტი იმ ადამიანებისთვის არის განკუთვნილი, რომლებსაც უყვართ ღია ცის ქვეშ პრაქტიკული საქმიანობა, არ ერიდებიან შავ სამუშაოს და სურთ გამოიკვლიონ ახალი შესაძლებლობები. სამუშაო ფიზიკურად მომთხოვნი იქნება, კლიმატური პირობები კი რთული შეიძლება იყოს.
მოხალისეები იცხოვრებენ BioArt Village-ში, ქალაქ ეინდჰოვენში მდებარე, ტყით გარშემორტყმულ გარემოში. ჯიბის ფულის გარდა, პროექტის მონაწილეები მიიღებენ საკვების ფულსაც და მათ საჭმლის მომზადების საბაზისო ცოდნა მოეთხოვებათ. ქალაქის ცენტრი სამუშაო ადგილიდან დაახლოებით 15-20 წუთის მანძილზეა ველოსიპედით, რომლითაც მოხალისეებს პროექტი უზრუნველყოფს. მიმდებარე ტერიტორიაზე ასევე ხელმისაწვდომია საზოგადოებრივი ტრანსპორტი.
მოხალისეს შეუძლია ჩაერთოს როგორც მოკლევადიან პროექტში (59 დღე), ასევე გრძელვადიანში (მაქსიმუმ 6 თვე).
განაცხადების მიღებას საბოლოო ვადა არ აქვს.
დამატებითი ინფორმაცია
დახურვის თარიღი:
ყველაზე წაკითხული
[popular_posts columns_xl=”4″ columns_l=”4″ columns_m=”3″]
