Bu layihə çərçivəsində Şərq Tərəfdaşlığı ölkələrinə qanunun aliliyinə və insan hüquqlarına
hörmət prinsiplərinə əsaslanan demokratik idarəçilik sistemlərini gücləndirmək, dövlət
qurumlarına olan ictimai etimadı artırmaq, daha çox təmsilçidən ibarət hökuməti, inklüziv və
iştirakçılığa əsaslanan siyasi və qərar qəbuletmə proseslərini təşviq etmək üçün DTİHB-nin
(Demokratik Təsisatlar və İnsan Hüquqları Bürosu) hərtərəfli alətlər paketindən yararlanmaq
imkanı ilə təmin ediləcəklər. Bütün bunlar davam edən böhranlara qarşı daha effektiv cavab
tədbirlərinin görülməsinə və gələcək çətinliklərə qarşı davamlılığın artırılmasına töhfə verir.
Layihə çərçivəsində göstərilən dəstək dövlətlərə daha effektiv və səmərəli siyasət yürütmək,
habelə hesabatlı və inklüziv demokratik təsisatlar, daha güclü ictimai dürüstlük sistemləri, insan
hüquqlarına uyğun hüquqi bazalar, siyasi partiyaların tənzimlənməsi, eləcə də tarixən kifayət
qədər təmsil olunmayan qrupların siyasi həyatda və qərar qəbul etmə prosesində iştirakı
istiqamətində əldə olunan irəliləyişləri qiymətləndirmək imkanı verəcək. Layihənin fəaliyyətləri
DTİHB-nin regional təcrübəsindən və demokratik təsisatların üzləşdiyi çətinlikləri dərindən başa
düşməsindən yararlanır. Eyni zamanda, layihə geniş tərəfdaşlıq əlaqələrinə əsaslanaraq fikir
mübadiləsinə şərair yaradır və əvvəlki nailiyyətləri nəzərə alır. Bu, müsbət təcrübə və öyrənilmiş
dərslərdən faydalanaraq dövlətlərin vətəndaşların səlahiyyətlərini artırmasını, demokratik
prosesin daha inklüziv və daha çox təmsilçidən ibarət olmasını təmin edir.

Layihənin məqsədi Şərq Tərəfdaşlığı ölkələrində demokratik təsisatların və proseslərin daha
inklüziv, hesabatlı, dayanıqlı, şəffaf, insan hüquqlarına və qanunun aliliyinə uyğun olmasını
dəstəkləməkdir. Layihə aşağıdakı istiqamətlərdə texniki yardımın göstərilməsini təmin edir:
- Etik davranış məcəllələrinin qəbulu, təkmilləşdirilməsi və ya genişləndirilməsi vasitəsilə
parlament, vətəndaş cəmiyyəti və məhkəmə nəzarəti mexanizmlərini yaxşılaşdırmaq, dövlət
qurumlarının şəffaflığını və dürüstlüyünü artırmaq;
- Parlamentlərin vətəndaş cəmiyyəti ilə məsləhətləşmələrini və əməkdaşlığını gücləndirmək,
demokratik qanunyaradıcılıq prinsiplərini qorumaq və seçki yolu ilə qurulmuş orqanlara ictimai
etimadı artırmaq, habelə dövlət nəzarəti orqanları və vətəndaş cəmiyyəti üçün potensialın
artırılmasını və müsbət təcrübələrin regional mübadiləsini təklif etmək.
- Milli parlamentlərdə və siyasi partiyalarda qadınlar, gənclər və əlilliyi olan şəxslər kimi kifayət
qədər təmsil olunmayan qrupların siyasi iştirakını artırmaq, eyni zamanda vətəndaş cəmiyyəti
və siyasi partiyalar üçün normativ-hüquqi bazanın təkmilləşdirilməsi məqsədilə dialoq və yardım
platforması təqdim etmək;
- Qanunvericilərə və siyasət qəbul edən şəxslərə tövsiyələr və fərdi yardım göstərməklə, habelə
beynəlxalq standartlara uyğun olaraq parlament prosedurları və qanunyaradıcılığı üçün hüquqi
bazaların uyğunluğu barədə ekspert məsləhətləri verməklə qanunyaradıcılıq proseslərinin
açıqlığını, şəffaflığını, effektivliyini, inklüzivliyini və hesabatlılığını artırmaq.

- Dövlətlər və vətəndaş cəmiyyəti üçün DTİHB-nin seçkilərə dair tövsiyələrinin icrası
istiqamətində səyləri müzakirə etmək üçün platforma təmin etmək.

- Demokratik təsisatlar daha yüksək hesabatlılıq, dürüstlük və inklüzivlik prinsipləri ilə sübutlara
əsaslanan islahatlar aparmaq imkanına malikdir.
- Siyasi partiyalar qanunun aliliyinə və insan hüquqlarına uyğun, habelə gender baxımından
həssaslığın nəzərə alındığı qaydalarla idarə olunur.
- Seçkilərin və fundamental mülki və siyasi hüquqların hüquqi həlli üçün məsul olan inzibati
ədalət mühakiməsi orqanları beynəlxalq standartlara uyğun və daha effektiv fəaliyyət göstərir.
- Şərq Tərəfdaşlığı ölkələrində seçki proseslərinin təkmilləşdirilməsi üçün əsas tövsiyələrin icrası
istiqamətində əməkdaşlıq gücləndirilir.