“EU4Innovation” layihəsi startap ekosistemini daha rəqabətqabiliyyətli etməklə Şərq
Tərəfdaşlığı (ŞT) regionunda iqtisadi dayanıqlığı və innovasiyaları transformasiya edir. Layihə
maliyyəyə çıxışın məhdudluğu, bacarıq çatışmazlığı və gender qeyri-bərabərliyi kimi ciddi
problemləri həll etməklə inkişafı stimullaşdırır, əməkdaşlığı təşviq edir və regional faydalar
təmin edir. Layihənin strategiyası yüksək səmərəli inkubatorların inkişaf etdirilməsi, startaplar
üçün maliyyələşmə və bazar imkanlarının genişləndirilməsi, habelə Ukraynanın texnologiya
sektoruna məqsədli dəstəyin göstərilməsinə yönəlmişdir. Birgə maliyyələşdirmə, bacarıqların
artırılması, tənzimləyici dəstək və gender inklüzivliyi vasitəsilə layihə regionda davamlı inkişafı
təşviq edir.

Layihənin ümumi məqsədi aşağıdakı kimidir:
Avropalı tərəfdaşlarla səmərəli əməkdaşlıq vasitəsilə Şərq Tərəfdaşlığı ölkələrində özəl sektorun
innovasiya sahəsində rəqabətqabiliyyətliliyinin və yetkinliyinin gücləndirilməsinə töhfə vermək.

(Xüsusi məqsəd 1): Şərq Qonşuluğu regionundakı startapların, o cümlədən qadınlar tərəfindən
təsis və ya həmtəsis edilmiş startapların ilkin mərhələdə yerli maliyyələşməyə (vəsaitlərin cəlb
edilməsi, vauçerlər və s.) çıxış imkanları artırılır
(Xüsusi məqsəd 2): Şərq Tərəfdaşlığı ekosistemləri strukturlaşdırılır və gücləndirilir, bu da
innovasiyaların inkişafı üçün daha əlverişli biznes mühiti yaradır
(Xüsusi məqsəd 3): Şərq Tərəfdaşlığı ekosistemləri avropalı investorlarla əlaqələndirilir və bu,
startaplar üçün xarici investisiyaların cəlb edilməsini təmin edir
Ukrayna üzrə xüsusi məqsəd: Ukrayna startap ekosisteminin yerli startaplara göstərdiyi dəstək
mexanizmləri təkmilləşdirilir