Рэгіянальная камунікацыйная праграма (EUNEIGHBOURS east) рэалізуецца ў адпаведнасці з адноўленай камунікацыйнай стратэгіяй, распрацаванай сумесна Генеральным дырэктаратам Еўрапейскай камісіі па пашырэнні і ўсходнім суседстве (DG ENEST) і Аператыўнай працоўнай групай па стратэгічным камунікаванні Еўрапейскай службы знешніх дзеянняў (EEAS). Яна накіраваная на ўзмацненне дзеянняў у сферы стратэгічнага камунікавання, паляпшэнне разумення ЕС і яго палітыкі грамадскасцю і павышэнне ўстойлівасці грамадства да дэзынфармацыі ў ЕС і яго ўсходніх суседзях.

- палепшыць успрыманне Еўрапейскага саюза і ягонай актыўнай ролі ў краінах Усходняга партнёрства за кошт прасоўвання еўрапейскіх каштоўнасцяў дэмакратыі, супрацоўніцтва і міжнароднай салідарнасці;
- інфармаваць грамадзян краін Усходняга партнёрства пра плён супрацоўніцтва, падаючы канкрэтныя факты і чалавечыя гісторыі, якія пакажуць, як дзейнасць ЕС паляпшае штодзённае жыццё людзей у іх краінах;
- спрыяць пазітыўнаму грамадскаму абмеркаванню ролі ЕС і яго супрацоўніцтва з краінамі Усходняга партнёрства, а таксама наладзіць узаемадзеянне з моладдзю, СМІ, няўрадавымі арганізацыямі, навуковай і прафесійнай супольнасцю і нацыянальнымі органамі ўлады, каб максімальна ахапіць аўдыторыю ў рэгіёне;
- ацэньваць узровень падтрымкі і рабіць маніторынг грамадскага ўспрымання ЕС у краінах Усходняга партнёрства;
- спрыяць барацьбе з дэзынфармацыяй і павышаць інфармацыйную ўстойлівасць у рэгіёне;
- стварыць і падтрымаць у грамадстве імкненне і попыт на структурныя рэформы (у тым ліку ў сістэме кіравання, прававой і судовай сістэмах, у сферы барацьбы з карупцыяй);
- стварыць ва ўспрыманні грамадзян устойлівую сувязь паміж рэформамі і адчувальнымі паляпшэннямі ў штодзённым жыцці.

- абазнанасць жыхароў краін Усходняга партнёрства ў палітыцы ЕС і прадугледжаных ёю праграмах развіцця;
- ахоп інфармацыяй, звязанай з ЕС (навіны, магчымасці і гісторыі поспеху з краін Усходняга партнёрства), максімальнай аўдыторыі праз эфектыўную анлайн-платформу і іншыя каналы;
- актыўны дыялог паміж маладымі людзьмі з ЕС і краін Усходняга партнёрства з дапамогай уплывовай сеткі Паслоў еўрапейскай моладзі;
- разнастайныя магчымасці для інфармавання дзякуючы лічбавай інфраструктурыі і камунікацыйнай стратэгіі;
- эфектыўнае супрацоўніцтва з міжнароднымі арганізацыямі і праектамі для прасоўвання ЕС у краінах Усходняга партнёрства;
- развітая сетка медыйных і немедыйных партнёраў, якія распаўсюджваюць інфармацыю пра ЕС і яго каштоўнасці;
- глыбокае разуменне, якое стаўленне да ЕС у краінах Усходняга партнёрства, з дапамогай рэгулярных колькасных і якасных апытанняў.