Праект накіраваны на садзейнічанне развіццю больш спрыяльнай экасістэмы сацыяльнага прадпрымальніцтва ў рэгіёне Усходняга партнёрства. Гэта будзе дасягацца шляхам павышэння абазнанасці, прасоўвання сацыяльных інавацыяў і адпаведных абменаў з рознымі зацікаўленымі бакамі, якія займаюцца палітыкай і прыняццем рашэнняў, што ў канчатковым выніку прывядзе да павелічэння колькасці сацыяльных інвестараў, сацыяльных прадпрымальнікаў і супрацоўніцтва па ўсім рэгіёне. У выніку, арганізацыі грамадзянскай супольнасці і сацыяльныя прадпрыемствы атрымаюць выгаду ад сацыяльных інвестыцыяў, каб быць устойлівымі і аказваць станоўчы ўплыў на грамадства. Разам з аказаннем фінансавай падтрымкі для стварэння венчурных дабрачынных фондаў у рэгіёне, дзейнасць у рамках праекту будзе ўключаць канкрэтныя кампаненты для Арменіі.
Кампанент для Арменіі, распрацаваны ў партнёрстве з Прадстаўніцтвам ЕС у Арменіі, будзе ўключаць Фонд надзвычайнай дапамогі для сацыяльных прадпрыемстваў, якія пацярпелі ад Covid-19, інкубатары і акселератары, а таксама конкурсы ў сферы сацыяльных інавацыяў, накіраваныя на прасоўванне новых мадэляў сацыяльнага бізнесу.

Агульная мэта праекту - спрыяць стварэнню больш спрыяльнай экасістэмы для сацыяльнага прадпрымальніцтва ў краінах Усходняга партнёрства і Расіі.

Канкрэтныя мэты:

- Павелічэнне колькасці сацыяльных інвестараў у краінах Усходняга партнёрства і Расіі.
- Павышэнне ўзроўню супрацоўніцтва на рэгіянальным і мясцовым узроўнях у сферы сацыяльнага прадпрымальніцтва паміж краінамі Усходняга партнёрства і Расіяй.
- Паляпшэнне навыкаў і бізнес-кампетэнцыяў сярод сацыяльных прадпрыемстваў і арганізацыяў грамадзянскай супольнасці, падтрыманых у рамках праектаў па развіцці інкубатараў/акселератараў у Арменіі.
- Прасоўванне сацыяльных інавацыяў і распрацоўка новых бізнес-мадэляў для фінансавання арганізацыяў грамадзянскай супольнасці і мэтавых прадпрыемстваў.

- Складанне даследчых планаў, іншыя дзеянні па зборы дадзеных і даследаваннях, праведзеныя ў краінах Усходняга партнёрства і Расіі.
- Правядзенне інфармацыйна-асветніцкіх/адукацыйных мерапрыемстваў на рэгіянальным і нацыянальным узроўнях.
- Стварэнне асяродкаў/клубаў сацыяльных інвестараў у краінах Усходняга партнёрства.
- Выдзяленне стыпендыяў для ўдзельнікаў на месцах і арганізацыя навучальных візітаў.
- Стварэнне сайту праекту, краінавых сайтаў, а таксама запуск анлайн-платформы для абмену рэсурсамі, сувязямі, праектамі і трансакцыямі.
- Падрыхтоўка глебы для палітычнага дыялогу і палітычнага ўзаемадзеяння краінаў Усходняга партнёрства.
- Стварэнне надзвычайнага фонду ў Арменіі дзякуючы фінансавай падтрымцы трэціх бакоў.
- Рэалізацыя праграмы акселератараў/інкубатараў у Арменіі.
- Арганізацыя конкурсаў ідэяў для арганізацыяў грамадзянскай супольнасці, сацыяльных прадпрыемстваў і мэтавых прадпрыемстваў.
- Падтрымка лепшыя практык у сферы сацыяльнага прадпрымальніцтва/сацыяльных інвестыцыяў з краінаў Усходняга партнёрства і Расіі.
- Стварэнне фондаў венчурнай дабрачыннасці.