Праект Еўрапейскага саюзу «Рэгіянальны механізм развіцця грамадзянскай супольнасці краін Усходняга партнёрства» садзейнічае ўзмацненню ролі і павышэнню патэнцыялу грамадзянскай супольнасці ў шасці краінах Усходняга партнёрства.

Праект прапануе актывістам і арганізацыям грамадзянскай супольнасці з краін Усходняга партнёрства наступныя магчымасці:
- Навучанне прадстаўнікоў грамадзянскай супольнасці.
- Штогадовыя хакатоны грамадзянскай супольнасці для распрацоўкі новых ідэй і інструментаў, прызначаных для забеспячэння празрыстасці, падсправаздачнасці і ўдзелу.
- Стыпендыяльная праграма (Civil Society Fellowships) для 240 актывістаў грамадзянскай супольнасці.
- Удзел прадстаўнікоў грамадзянскай супольнасці ў рэгіянальных і міжнародных мерапрыемствах.
- Нетворкінг паміж прадстаўнікамі грамадзянскай супольнасці і падтрымка адпаведных ініцыятыў.
- Інфармацыйныя кампаніі для павышэння дасведчанасці грамадскасці аб рабоце грамадзянскіх арганізацый.
- Правядзенне даследаванняў па пытаннях грамадзянскай супольнасці ў рэгіёне (на запыт ЕС).

Праект накіраваны на ўзмацненне партысіпатыўнай і інклюзіўнай дэмакратыі ў краінах Усходняга партнёрства.

Мэта праекта – умацаванне ролі і павышэнне патэнцыялу арганізацый грамадзянскай супольнасці і актывістаў у краінах Усходняга партнёрства з мэтай актыўнага ўдзелу ў распрацоўцы заканадаўства і палітычным дыялогу, прасоўванні рэформ і падсправаздачнасці дзяржавы, развіцці мясцовай дэмакратыі і ўцягванні грамадзян у грамадскае абмеркаванне.

- Павышэнне патэнцыялу арганізацый грамадзянскай супольнасці і актывістаў з краін Усходняга партнёрства для ўдзелу ў распрацоўцы заканадаўства і палітычным дыялогу.
- Павышэнне падсправаздачнасці і празрыстасці работы арганізацый грамадзянскай супольнасці.
- Паляпшэнне іміджу арганізацый грамадзянскай супольнасці ў краінах Усходняга партнёрства.
- Забеспячэнне прадстаўнікоў Еўрапейскай камісіі інфармацыяй, якая дазволіць ім лепш разумець праблемы арганізацый грамадзянскай супольнасці ў краінах-партнёрах і планаваць будучыя праграмы фінансавання ЕС.
- Павышэнне інфармаванасці насельніцтва аб падтрымцы ЕС грамадзянскай супольнасці ў краінах Усходняга партнёрства.