Усходнееўрапейскае партнёрства па пытаннях энергаэфектыўнасці і экалогіі (E5P) - гэта шматбаковы фонд аб'ёмам у 243 млн. еўра з удзелам донараў і арганізацыяў-выканаўцаў, заснаваны ў перыяд старшынства Швецыі ў Еўрапейскім Саюзе ў 2009 годзе для стымулявання прытоку інвестыцыяў у рэалізацыю муніцыпальных праектаў па павышэнні энергаэфектыўнасці і ахове навакольнага асяроддзя ў рэгіёне Усходняга партнёрства. У 2014 годзе Фонд, які пачынаў сваю працу ва Украіне, афіцыйна распаўсюдзіў сваю дзейнасць на Арменію, Грузію і Малдову, у 2017 годзе да яго далучылася Беларусь, а ў 2019 годзе - Азербайджан.

Фонд E5P акумулюе фінансавыя ўнёскі ад Еўрапейскага Саюза і групы з 24 краінаў, уключаючы краіны, якія атрымліваюць дапамогу ад фонду. Найбуйнейшым укладчыкам Фонду з'яўляецца Еўрасаюз, ён жа старшынюе ў Асамблеі ўкладчыкаў - галоўным кіроўным органе E5P. У якасці распарадчыка сродкаў Фонду E5P выступае ЕБРР, які аказвае адміністрацыйную падтрымку ў пытаннях кіравання Фондам ад імя ўсіх яго акцыянераў.

Як працуе Фонд:

Інвестыцыйныя гранты E5P у спалучэнні з крэдытамі задзейнічаных арганізацыяў-выканаўцаў выкарыстоўваюцца для скасавання рынкавых бар'ераў і падтрымкі экалагічных праектаў з высокім патэнцыялам развіцця як правіла ў муніцыпальным сектары. Такімі арганізацыямі-выканаўцамі з'яўляюцца: Банк развіцця Савета Еўропы (БРСЕ), Еўрапейскі банк рэканструкцыі і развіцця (ЕБРР), Еўрапейскі інвестыцыйны банк (ЕІБ), Крэдытны інстытут рэканструкцыі (Kreditanstalt für Wiederaufbau, KfW), Паўночная экалагічная фінансавая карпарацыя (NEFCO), Паўночны інвестыцыйны банк (NIB) і Група Сусветнага банку (ГСБ).

Сектары ахопу Е5Р:

Да гэтага часу інвестыцыі Фонду былі сканцэнтраваныя ў муніцыпальным сектары і на падтрымцы праектаў у сферы цэнтралізаванага цеплазабеспячэння, утылізацыі цвёрдых адыходаў, ачысткі вадаправоднай вады і гарадскіх сцёкаў, цеплавой рэнавацыі будынкаў (школаў, дзіцячых садоў, бальніцаў, а таксама жылога фонду), вулічнага асвятлення і гарадскога транспарту. Акрамя таго, патэнцыйна прымальнымі з'яўляюцца праекты ў інфраструктурным і энергетычным сектарах, такія як вытворчасць аднаўляльнай энергіі (уключаючы біямасу), узаемасувязь і эфектыўнасць выкарыстання рэсурсаў з кліентамі з дзяржаўнага і прыватнага сектараў. Акрамя таго, магчыма прадстаўленне фінансавання для інфраструктурных і энергетычных праектаў, такіх як выраб энергіі з аднаўляльных крыніц (у тым ліку выкарыстанне біямасы), будаўніцтва энергетычных мастоў і павышэнне рэсурсаэфектыўнасці з удзелам кліентаў з дзяржаўнага і прыватнага сектара.

Галоўнай задачай Фонду з'яўляецца паляпшэнне жыцця людзей і дасягненне сістэмных зменаў, таму першачарговую ўвагу ён надае праектам, дзе прадугледжваецца шырокае ўзаемадзеянне ў пытаннях дзяржаўнай палітыкі. Прапановы распрацоўваюцца сумесна краінамі-атрымальнікамі і арганізацыямі-выканаўцамі ў адпаведнасці з канкрэтнымі прыярытэтамі кожнай краіны.

Інвестыцыі E5P cкіраваныя на дасягненне шэрагу Мэтаў устойлівага развіцця - ад устойлівых гарадоў, чыстай вады і санітарыі да захадаў у сферы барацьбы са змяненнем клімату. Чакаецца, што праекты E5P прывядуць да зніжэння выкідаў CO2 эквівалентам да 1 млн тонаў, а таксама прынясуць і іншую выгаду ў выглядзе змяншэння ступені забруджвання гарадскога паветра, скарачэння аб'ёму адыходаў і сцёкавых водаў.

З дапамогай сваіх праектаў Фонд імкнецца:

- скарачаць выкіды CO2 і іншых шкодных парніковых газаў;
- павышаць энергаэфектыўнасць;
- падтрымліваць дыялог па пытаннях дзяржаўнага кіравання і змены нарматыўна-заканадаўчай базы.