Праграма трансгранічнага супрацоўніцтва (CBC) "Польшча – Беларусь – Украіна" падтрымлівае трансгранічнае развіццё на памежнай тэрыторыі паміж Польшчай, Беларуссю і Украінай шляхам су-фінансавання розных праектаў. Усе праекты, якія фінансуюцца ў рамках Праграмы, з'яўляюцца некамерцыйнымі і садзейнічаюць паляпшэнню якасці жыцця жыхароў усходняй Польшчы, заходніх Украіны і Беларусі.

Галоўная мэта праграмы - падтрымка працэсаў трансгранічнага развіцця на памежных тэрыторыях паміж трыма краінамі.

Дасягненне галоўнай мэты праграмы адбываецца з акцэнтам на чатырох тэмах:
- Папулярызацыя мясцовай культуры і захаванне гістарычнай спадчыны.
- Паляпшэнне даступнасці рэгіёнаў, развіццё ўстойлівых і кліматаўстойлівых транспартных і камунікацыйных сетак і сістэмаў.
- Пераадоленне агульных праблемаў у сферы аховы і бяспекі.
- Садзейнічанне кіраванню межамі і памежнай бяспецы, мабільнасці і кантролю за міграцыяй.