REDI - სოფლის გაძლიერება ციფრული ჩართულობის/ინკლუზიის მეშვეობით არის პროექტი, რომელიც დაფინანსებულია ევროკავშირისა და Polish Aid-ის მიერ. ინიციატივა მიზნად ისახავს საქართველოს სოფლებსა და ქალაქებს შორის არსებული ციფრული უთანასწორობის შემცირებას გაუმჯობესებული საკომუნიკაციო ინფრასტრუქტურისა და ციფრული წიგნიერების გზით. პროექტი განხორციელდება საქართველოს 4 რეგიონში, სადაც საჯარო სივრცეებში მოეწყობა ინტერნეტთან წვდომის წერტილები და შეიქმენა ციფრული სოფლის ჰაბები ადგილობრივ მაცხოვრებელთა უნარების განვითარებისთვის.

- სატელეკომუნიკაციო და ციფრული ინფრასტრუქტურის გაუმჯობესება საქართველოს რეგიონებში, კონკრეტულად, გურიის, რაჭა-ლეჩხუმისა და ქვემო სვანეთის, იმერეთისა და კახეთის რეგიონებში.
- ინტერნეტისა და ციფრული სერვისების გამოყენების გაზრდა ადგილობრივი ბიზნესებისა და სამიზნე თემების მიერ, მათ შორის, სამიზნე რეგიონებში ყველაზე მოწყვლად ჯგუფებში.
- საქართველოს დანარჩენ რეგიონებში სატელეკომუნიკაციო ინფრასტრუქტურის რეპლიკაციისა და ახალი ტექნოლოგიების გამოყენების გაზომვის პრაქტიკის გაუმჯობესება.

- გაზრდილი წვდომა Wi-Fi-ზე სამიზნე რეგიონების სოფლებში, მათ შორის მაღალმთიან სოფლებსა და საჯარო სივრცეებში.
- სამიზნე თემების შესაძლებლობების გაძლიერება ციფრულ ინფრასტრუქტურასთან და სათემო ინტერნეტთან მიმართებაში.
- მცირე და საშუალო საწარმოებისა და სამიზნე თემების ცოდნისა და შესაძლებლობების გაღრმავება ინტერნეტისა და შესაბამისი ციფრული სერვისების, მათ შორის, ელექტრონული მმართველობის სერვისების გამოყენებაში,
- ყველაზე დაუცველი ჯგუფების (ახალგაზრდები, ქალები, მოხუცები, უმცირესობები, უმუშევრები და ა.შ.) ინფორმირებულობის გაზრდა პოლიტიკურ და ეკონომიკურ ცხოვრებაში ციფრული გზით ჩართულობის შესაძლებლობების შესახებ.
- დაინტერესებული მხარეების შესაძლებლობების გაძლიერება სატელეკომუნიკაციო ინფრასტრუქტურის გაფართოებისა და ახალი ტექნოლოგიების გამოყენების გაზომვის კუთხით საქართველოს რეგიონებში, რომლებიც არ არის გათვალისწინებული პროექტის ფარგლებში.