მრავალი დონორის მიერ დაფინანსებული პროექტი -EU4ClimateResilience- მხარს უჭერს მწვანე გადასვლას, აძლიერებს დეკარბონიზაციას, ზრდის ენერგო უსაფრთხოებასა და კლიმატის მიმართ მედეგობას აღმოსავლეთ პარტნიორობის (EaP) ქვეყნებში (სომხეთი, აზერბაიჯანი, საქართველო, მოლდოვა და უკრაინა). იგი ხელს უწყობს კლიმატის ცვლილების და ადაპტაციის პოლიტიკის გაუმჯობესებას პარიზის შეთანხმების (PA) და ევროკავშირთან ორმხრივი შეთანხმებების ფარგლებში. აღნიშნული მოიცავს ტექნიკურ დახმარებას ქვეყნის 2025 წლის ეროვნულ დონეზე განსაზღვრული წვლილის (NDC) განახლების პროცესში, მარეგულირებელი ჩარჩოების გაუმჯობესებას და ინსტიტუციური შესაძლებლობების განვითარებას სამომავლოდ NDC-ის განახლების მიმართულებით. გარდა ამისა, პროექტი ხელს შეუწყობს მონიტორინგის, ანგარიშგების და ვერიფიკაციის (MRV) სისტემების შემუშავებას და დანერგვას და კლიმატის ცვლილების ინტეგრაციას სექტორულ პოლიტიკაში.

აქტივობა ასევე მხარს უჭერს ადგილობრივ პროექტებს, რომლებიც ხელს უწყობს ქალაქებისა და მუნიციპალიტეტების კლიმატის მიმართ მედეგობის ზრდას. ინვესტიციების მობილიზებისთვის მიმართული ძალისხმევა ხელს უწყობს მწვანე ობლიგაციების გამოშვებას. უკრაინაში მიმდინარე საქმიანობა ეფექტიანად პასუხობს რუსეთის ომის შედეგად მიყენებული ზიანის აღდგენის საჭიროებებს. პროექტი თანადაფინანსებულია ევროკავშირის და გერმანიის გარემოს, ბირთვული უსაფრთხოების და მომხმარებელთა დაცვის ფედერალური სამინისტროს (BMUV) მიერ და ხორციელდება გერმანიის საერთაშორისო თანამშრომლობის GIZ-ისა და ეკონომიკური თანამშრომლობისა და განვითარების ორგანიზაციის (OECD)-ის დახმარებით. EU4ClimateResilience და BMUV- ის მიერ დაფინანსებული პროექტი „მწვანე შეთანხმებისთვის მზაობის ხელშეწყობა აღმოსავლეთ პარტნიორობის ქვეყნებში” (PROGRESS) ურთიერთშემავსებელი პროექტებია, რომლებიც მხარს უჭერენ EaP ქვეყნებს “ევროპის მწვანე შეთანხმების” კონტექსტში.

EU4ClimateResilience მხარს უჭერს მწვანე გადასვლას, დეკარბონიზაციას, ენერგო უსაფრთხოებას და კლიმატის მიმართ მედეგობას აღმოსავლეთ პარტნიორობის (EaP) ქვეყნებში.

1. გაზრდილია ქვეყნების შესაძლებლობები სწორად გაზომონ და შეამცირონ ეროვნული ემისიები და მოახდინონ კლიმატის ცვლილების შედეგებთან ადაპტაცია, ასევე, დაწინაურებულია კლიმატის პოლიტიკის ჩარჩოს განხირციელება.
2. კლიმატის ადაპტაციის უპირატესობები დემონსტრირებულია კონკრეტული პროექტების მეშვეობით.
3. მწვანე დაფინანსების მარეგულირებელი ჩარჩოები შექმნილია ევროკავშირის ნორმების შესაბამისად, ობლიგაციების გამოშვება დივერსიფიცირებული და გაფართოებულია.

1. კლიმატის ცვლილების შერბილების პოლიტიკის ჩარჩოები და სტრატეგიები განახლებულია. განხორციელება წინ მიიწევს.
2. გაუმჯობესებულია მონიტორინგის, ანგარიშგებისა და ვერიფიკაციის (MRV) სისტემები.
3. კლიმატის ცვლილების ადაპტაციის სარგებელი წარმოჩენილია 10-მდე სადემონსტრაციო პროექტის მეშვეობით, მათ შორის ჯანსაღი ეკოსისტემებისა და ბიომრავალფეროვნების მიმართულებით.
4. მწვანე დაფინანსების ეროვნული რეგულირების ჩარჩოები გაძლიერებულია და სამი მწვანე ობლიგაცია გამოშვებულია.
5. უზრუნველყოფილია უკრაინის ომის შემდგომი მწვანე აღდგენის მხარდაჭერა მწვანე და ციფრული დღის წესრიგის შესაბამისად.