ეს ქმედება ხელს უწყობს ინსტრუმენტის ზოგად მიზნებს, კერძოდ, აღმოსავლეთ პარტნიორობის ქვეყნებში მცირე და საშუალო საწარმოების სეგმენტის მხარდაჭერას დაფინანსებაზე წვდომის გაუმჯობესების გზით, რაც ხდება სესხების ვადების და პირობების გაუმჯობესებით, მცირე და საშუალო საწარმოების პორტფელის გარანტიების საწყისი დანაკარგის უზრუნველყოფით საშუალებით. ქმედება მიზნად ისახავს შერჩეულ ქვეყნებში დაფინანსებაზე წვდომის გამარტივებას მცირე და საშუალო საწარმოებისთვის გარანტიის მექანიზმის უზრუნველყოფის გზით, რომელიც ადგილობრივ ბანკებსა და სხვა ფინანსურ შუამავლებს სთავაზობს მცირე და საშუალო საწარმოების პორტფელის გარანტიებს, რაც მათ აძლევს ტრანზაქციის ვადების და პირობების გაუმჯობესების საშუალებას.

1. მხარდაჭერა Covid-19-ის პანდემიის სოციალური და ეკონომიკური შედეგების დასაძლევად.
2. მცირე და საშუალო საწარმოებისთვის დაფინანსებაზე წვდომის გაუმჯობესება უზრუნველყოფის მოთხოვნების შემცირების, დაფინანსების ხარჯების შემცირების და ადგილობრივ ვალუტაში დაფინანსებაზე წვდომის მხარდაჭერის შედეგად.
3. ბიზნესის ფინანსური საჭიროებების დაკმაყოფილება.

1. ღონისძიების ფარგლებში შესაძლებელია 200 მილიონამდე ევროს ოდენობის ახალი ვალის ტრანზაქციების მობილიზება მცირე და საშუალო საწარმოებისთვის.
2. 175,000 ევროს ოდენობის საშუალო ტრანზაქციის ზომის პირობებში დაფინანსება ხელმისაწვდომი იქნება მინიმუმ 1,150 მცირე და საშუალო საწარმოსთვის.
3. თითოეულ მცირე და საშუალო საწარმოზე 6 თანამშრომლის გათვალისწინებით, მხარდაჭერილი იქნება დაახლოებით 12,000 სრულგანაკვეთიანი სამუშაო ადგილი.