ინიციატივა მიზნად ისახავს საქართველოში უფრო ინკლუზიური, მდგრადი და გარემოსადმი მედეგი მომავლის შექმნას, კახეთის რეგიონსა და აჭარის ავტონომიურ რესპუბლიკაში რესურსეფექტიანობის, მდგრადი მოხმარებისა და წარმოების პრაქტიკის ხელშეწყობისა და ნარჩენების წარმოქმნის მნიშვნელოვნად შემცირების გზით.

ეს არის ოთხწლიანი ინიციატივა, რომელიც ძირითადად იმუშავებს ნარჩენების სამ ძირითად ტიპზე: შესაფუთი, ბიოდეგრადირებადი და სამშენებლო და ნგრევის ნარჩენები. ICLEI Europe-თან პარტნიორობით, CENN იმუშავებს დაინტერესებული მხარეების უნარ-შესაძლებლობების გაძლიერებაზე, სექტორთაშორის და დაინტერესებული მხარეების თანამშრომლობის ხელშეწყობაზე, რათა მხარი დაუჭიროს ქვეყანაში ცირკულარული ეკონომიკისა და ნარჩენების მართვის ინკლუზიური და მონაწილეობითი პოლიტიკის შემუშავებას და განხორციელებას.

პროექტი ხელს შეუწყობს სასწავლო მექანიზმების შექმნასა და განხორციელებას, ცირკულარული გადაწყვეტების პილოტირებას, საზოგადოების ცნობიერებისა და ცოდნის ამაღლებას მდგრადი და მწვანე პრაქტიკის მიმართულებით ქცევითი ცვლილებების მისაღწევად.