ევროპული ფონდი სამხრეთ-აღმოსავლეთ ევროპისთვის მიზნად ისახავს ეკონომიკური განვითარების და კეთილდღეობის მხარდაჭერას დამატებითი დაფინანსების მდგრადი უზრუნველყოფით, ეს გულისხმობს მიკრო- და მცირე საწარმოებისა და კერძო მეურნეობების მხარდაჭერას კვალიფიციური ადგილობრივი ფინანსური ორგანიზაციების საშუალებით.

- კერძო სექტორის კაპიტალის მოზიდვა ფონდში და ამით ინვესტიციების ეფექტურად გამოყენება რეგიონში კერძო სექტორის, კერძოდ, მიკრო- და მცირე საწარმოების განვითარების მიზნით.

- ბენეფიციარი ქვეყნების მხარდაჭერა საბაზრო ეკონომიკისკენ წინსვლის გზაზე სექტორში კონკურენციის განვითარებით.

2017 წლის მე-2 კვარტლის დასასრულს სამხრეთ-აღმოსავლეთ ევროპის ევროპული ფონდის პორტფელის ბიუჯეტმა აღმოსავლეთ პარტნიორობის ექვს ქვეყანაში €271.0 მლნ ევრო შეადგინა, რომელიც შემდეგი სახით განაწილდა:
საქართველო-54% (145.1 მლნ ევრო)
სომხეთი-22% (58.4 მლნ ევრო)
უკრაინა-11 % (30.8 მლნ ევრო)
ბელარუსი-7% (20.0 მლნ ევრო)
აზერბაიჯანი-4% (9.8მლნ ევრო)
მოლდოვა -2% (6.9 მლნ ევრო)
სამხრეთ-აღმოსავლეთ ევროპის ევროპული ფონდის სესხების უდიდესი ნაწილი გაიცა კომერციულ ბანკებზე, დანარჩენი - მიკრო-საფინანსო ბანკებსა და მიკრო-საკრედიტო ორგანიზაციებზე. 2017 წლის ივნისისთვის სამხრეთ-აღმოსავლეთ ევროპის ევროპულ ფონდს აღმოსავლეთ პარტნიორობის ქვეყნებში 168,330 საბოლოო მსესხებელზე სულ 1,727.6 მლნ ევრო ჰქონდა გაცემული.