აღწერა: პროგრამა EU4Green Recovery East მხარს უჭერს აღმოსავლეთ პარტნიორობის ქვეყნებს უფრო მწვანე, უფრო მდგრად და კონკურენტუნარიან ეკონომიკაზე გადასვლაში.
ევროკავშირის 21.3 მილიონი ევროს ოდენობის დაფინანსებით (2025-2028) ის შეესაბამება “ევროპულ მწვანე შეთანხმებას” (European Green Deal) და სტრატეგიას Global Gateway, და ხელს უწყობს ინოვაციებს გარემოსდაცვით პოლიტიკაში; ამის შედეგად იქმნება სამუშაო ადგილები, უმჯობესდება ჯანმრთელობა და ხდება რესურსების მდგრადი მართვის უზრუნველყოფა.

ევროკავშირის წყლის მართვის და მწვანე ეკონომიკის მხარდაჭერის ათწლეულის საფუძველზე პროგრამა EU4Green Recovery East შემდეგ საქმიანობას განახორციელებს:
• ხელს შეუწყობს ცირკულარულ ეკონომიკას და რესურსების ეფექტიანობას. დაეხმარება ბიზნესს ცირკულარული მოდელების დანერგვაში ახალი სამუშაო ადგილების შექმნისთვის და ხარჯების და იმპორტზე დამოკიდებულების შესამცირებლად.
• დაიცავს წყლის რესურსებს და შეამცირებს დაბინძურებას. გააუმჯობესებს წყლის ხარისხს მართვის და მონიტორინგის გაუმჯობესების გზით საზოგადოებრივი და ეკოსისტემის ჯანმრთელობის დაცვის მიზნით.
• უზრუნველყოფს ევროკავშირის გარემოსდაცვით სტანდარტებთან შესაბამისობას. მხარს დაუჭერს მთავრობას ევროკავშირის გარემოსდაცვით პოლიტიკასთან შესაბამისობის უზრუნველყოფაში (ევროკავშირის კანონთა კრებული (EU acquis), 27-ე თავი).
• გააუმჯობესებს გარემოსდაცვით მონაცემებს და ციფრული ტექნოლოგიების დანერგვას. გააუმჯობესებს გარემოსდაცვითი მონაცემების ინტეგრაციას და გაზიარებას ქვეყნის ფარგლებში და ევროკავშირის დონეზე გარემოსდაცვითი პოლიტიკის გასაუმჯობესებლად.
• გააძლიერებს ტრანსსასაზღვრო თანამშრომლობას გარემოს დაცვის საკითხებზე. წაახალისებს წყლის და ჰაერის საზიარო რესურსების საკითხებთან დაკავშირებულ რეგიონულ თანამშრომლობას ტრანსსასაზღვრო დაბინძურების პრობლემის გადასაჭრელად.

1. ცირკულარული ეკონომიკის ხელშეწყობა მთელი სასიცოცხლო ციკლის კონცეფციის განმავლობაში;
2. დაბინძურების შემცირება წყალზე, როგორც ეკონომიკის უმნიშვნელოვანეს რესურსზე ფოკუსირებით;
3. საკანონმდებლო შესაბამისობა „ევროპულ მწვანე შეთანხმებასთან“, მათ შორის, სათანადო შემთხვევებში, ევროკავშირის კანონთა კრებულის (EU acquis) 27-ე თავთან შესაბამისობა და გაწევრიანების პროცესის ხელშეწყობა;
4. ინტეგრაცია გარემოს დაცვის საკითხებზე თანამშრომლობაში ევროკავშირის მასშტაბით;
5. ევროკავშირის Global Gateway-ს სტრატეგიის და ინფრასტრუქტურის მოდერნიზაციის შესაბამისი საერთაშორისო ვალდებულებებისადმი შესაბამისობის ხელშეწყობა.

1. მცირე და საშუალო საწარმოებს და ხელშემწყობ უწყებებს ადგილობრივ დონეზე აქვთ ცირკულარულ ეკონომიკაზე გადასვლის და მასალების შიდა მოხმარების შემცირების შესაძლებლობა;
2. კანდიდატ ქვეყნებში სრულად არის დანერგილი ევროკავშირის სტანდარტების შესაბამისი, ბუნებისადმი დადებითი და კლიმატისადმი ადაპტირებული მდინარის აუზების მართვის გეგმა (RBMP), და იმავდროულად ხდება აღმოსავლეთ პარტნიორობის სხვა ქვეყნების ევროკავშირის წყლის კანონმდებლობასა და პრაქტიკასთან შესაბამისობაში თანდათანობითი მოყვანა;
3. გაუმჯობესებულია ცოდნა ევროპული მწვანე შეთანხმების/27-ე თავის შესახებ, ხოლო კანდიდატი ქვეყნები იღებენ გარემოს საკითხებთან დაკავშირებულ მხარდაჭერას გაწევრიანების პროცესში;
4. გაღრმავებულია გარემოსდაცვით თანამშრომლობაში ინტეგრაცია ევროკავშირის მასშტაბით და საზოგადოებისთვის ხელმისაწვდომია გარემოსდაცვითი მონაცემები;
5. გაზრდილია საერთაშორისო გარემოსდაცვითი ვალდებულებებისადმი შესაბამისობა გაეროს ევროპის ეკონომიკური კომისიის (UNECE) ფარგლებში, და გაძლიერებულია ტრანსსასაზღვრო თანამშრომლობა ფოკუსირებით ევროკავშირის Global Gateway-ს აქტუალურ საკითხებზე.