პროექტი „ორგანიზებულ დანაშაულთან ბრძოლა აღმოსავლეთ პარტნიორობის რეგიონში“ ხორციელდება ევროპოლის (Europol) ხელმძღვანელობით. პროექტის მიზანია აღმოსავლეთ პარტნიორობის ქვეყნების ოპერატიული და სტრატეგიული პოტენციალის გაძლიერება სისხლისსამართლებრივ საფრთხეებთან ბრძოლის ევროპული ინტერდისციპლინური პლატფორმის (EMPACT) შესაბამისად, კავშირების განმტკიცება აღმოსავლეთ პარტნიორობის ქვეყნებს და ევროკავშირის წევრ სახელმწიფოებს შორის EMPACT-ის მხარდასაჭერად, და ცოდნის და ინფორმირებულობის გაუმჯობესება EMPACT-ის შესახებ. პროექტის ფარგლებში შემდგომშიც გაუმჯობესდება ოპერატიული თანამშრომლობა აღმოსავლეთ პარტნიორობის ქვეყნებთან და ევროკავშირის წევრ სახელმწიფოებთან და მათ შორის. გარდა ამისა, პროექტი მიზნად ისახავს თანამშრომლობის გაუმჯობესებას ევროკავშირის პოლიტიკის ფარგლებში ამ სფეროში აქტიურად მოქმედ ევროკავშირის სააგენტოებთან, რომელთა საქმიანობა მიმართულია ორგანიზებული და სერიოზული საერთაშორისო დანაშაულის წინააღმდეგ. აღმოსავლეთ პარტნიორობის რეგიონთან ოპერატიული თანამშრომლობის მხარდაჭერა სასარგებლო იქნება ევროკავშირის პოლიტიკური ციკლის ოპერატიული განხორციელებისთვის. ევროკავშირის პოლიტიკურ ციკლთან შესაბამისობაში ყოფნით პროექტი უზრუნველყოფს ექსპერტიზას და საჭირო კოორდინაციას დანაშაულის ყველა შესაბამის სფეროში.
პროექტის ფარგლებში განისაზღვრება შესაძლებლობები ორმხრივად სასარგებლო ურთიერთობების დასამყარებლად სხვა დაინტერესებულ მხარეებთან, პროექტებთან და ღონისძიებებთან აღმოსავლეთ პარტნიორობის რეგიონში. პროექტი იმუშავებს ევროკავშირის წარმომადგენლობებთან, მიაწვდის მათ ინფორმაციას შესაბამისი პროექტების შესახებ და ჩართავს აქტივობებში, რომლებიც ხორციელდება თითოეული წარმომადგენლობის იურისდიქციის ფარგლებში.
პროექტის მიზანია მოიცვას აღმოსავლეთ პარტნიორობის რეგიონის სამართალდამცავი ორგანოები, უსაფრთხოების სექტორი, სასამართლო და პროკურატურის სამსახურები. საჭიროების შემთხვევაში პროექტში ასევე შეიძლება ჩაერთოს კერძო სექტორი.

აღმოსავლეთ პარტნიორობის ქვეყნების შესაძლებლობების გაუმჯობესება ორგანიზებული დანაშაულის წინააღმდეგ ბრძოლაში.

1. აღმოსავლეთ პარტნიორობის ქვეყნების გაუმჯობესებული ოპერატიული და სტრატეგიული შესაძლებლობები სისხლისსამართლებრივ საფრთხეებთან ბრძოლის ევროპული ინტერდისციპლინური პლატფორმის (EMPACT) შესაბამისად.
2. გაძლიერებული კავშირები აღმოსავლეთ პარტნიორობის ქვეყნებს და ევროკავშირის წევრ სახელმწიფოებს შორის EMPACT-ის მხარდასაჭერად.
3. აღმოსავლეთ პარტნიორობის ქვეყნების უწყებების და შესაბამისი ორგანოების გაუმჯობესებული ცოდნა და ინფორმირებულობა EMPACT-ის შესახებ.