მწვანე ზრდის ფონდი (GGF) წარმოადგენს ევროკავშირის მიერ მხარდაჭერილ სპეციალიზებულ ფონდს. ის შექმნილია ენერგეტიკის და რესურსების ეფექტიანობის, ასევე განახლებადი ენერგიის განვითარების მიზნით სამეზობლოს ქვეყნებში. ფონდი აწარმოებს ფინანსური ინსტიტუტების რეფინანსირებას მათი მონაწილეობის გასააქტიურებლად აღნიშნულ სექტორებში; გარდა ამისა, ის ახორციელებს პირდაპირ ინვესტიციებს ენერგოეფეტიანობის და განახლებადი ენერგიის პროექტებში. ამ პროექტის საშუალებით ფონდის დაფინანსება მოიცავს აზერბაიჯანს, მოლდოვას, საქართველოს, სომხეთს და უკრაინას.

- ენერგოეფექტური და განახლებადი ენერგეტიკის ინვესტიციების ფინანსური ბაზის გაფართოება.
- უკეთ ინფორმირება და ფინანსური სექტორის მხრიდან განვითარების საჭიროებების უკეთ მომსახურება.
- დონორთა ინიციატივების ჰარმონიზაცია და კოორდინაცია.

- დონორთა დაფინანსების ეფექტურად გამოყენება ფონდების მობილიზაციით განვითარების ბანკებიდან და კერძო სექტორიდან.
- ენერგოეფექტურობის და განახლებადი ენერგეტიკის ინვესტიციების ციკლური დაფინანსება მცირე და საშუალო საწარმოების, შინამეურნეობების და მუნიციპალური ობიექტებისთვის ლოკალური ინსტიტუტების საშუალებით.
- პოტენციალის გაძლიერების, კონსულტირების და ტრენინგის ღონისძიებები, რითაც მოხდება სესხების გაცემის მხარდაჭერა და ცნობიერების ამაღლება.