CyberEast+ პროექტი მიზნად ისახავს კიბერდანაშაულთან და ელექტრონულ მტკიცებულებებთან დაკავშირებით უფრო ქმედით სისხლისსამართლივ რეაგირებას და ზოგადად კიბერმდგრადობის გაზრდას, კიბერდანაშაულის შესახებ კონვენციის (ბუდაპეშტის კონვენცია) და ამავე კონვენციის მეორე დამატებითი ოქმის (გაძლიერებულ თანამშრომლობასა და ელექტრონული მტკიცებულების გაზიარების თაობაზე) შესაბამისად. ამავდროულად, პროექტს ხელს უწყობს ევროკავშირის პრიორიტეტების განხორციელებას აღმოსავლეთ პარტნიორობის რეგიონისთვის.

პროექტი ეყრდნობა წირსულში განხორციელებული CyberEast პროექტის მიღწევებს, გაზრდილი აქცენტებით შემდეგი მიმართულებებით:
- კიბერდანაშაულის შესახებ კონვენციის გაძლიერებულ თანამშრომლობასა და ელექტრონული მტკიცებულების გაზიარების თაობაზე მეორე დამატებითი ოქმის შესრულების მხარდაჭერა, სახელმძღვანელოების, შაბლონებისა და პრაქტიკული სწავლებების მეშვეობით, რაც ხელს შეუყობს კანონმდებლობის განახლებას პროექტის ქვეყნებში.

- პრაქტიკული სწავლებები და ვარჯიშები ადგილობრივ და რეგიონულ დონეზე: სიმულაციური სავარჯიშოები, სცენარებზე დაფუძნებული ტრენინგები, სამაგიდო ფორმატის სავარჯიშოები და იმიტირებული სასამართლო პროცესები.

- თანხვედრის ხელშეწყობა კიბერნადაშაულისა და კიბერუსაფრთხოების სფეროებს შორის, მათ შორის კრიტიკულ ინფორმაციულ ინფრასტრუქტურაზე თავდასხმებისა და გამოძალვითი პროგრამების მეშვებოით განხორციელებულ დანაშაულებზე და კიბერდანაშაულის სხვა ფორმებზე.

- ექსპერტიზის გაზიარება კიბერდანაშაულის სისხლისსამართლებრივი დევნისა და ელექტრონული მტკიცებულებების შეგროვების თაობაზე შეიარაღებული კონფლიქტის დროს (მხარდაჭერა უკრაინისათვის).

პროექტის ძირითადი მიზნებია:
1) პროექტის ქვეყნებში სისხლისსამართლებრივი შესაძლებლობების გაძლიერება კიბერდანაშაულისა და ელექტრონული მტკიცებულებების საკითხებში.
2) კანონმდებლობისა და პოლიტიკის გაუმჯობესება აღმოსავლეთ პარტნიორობის ქვეყნებში.
3) კიბერდანაშაულის გამოძიების, სისხლისსამართლებრივი დევნისა და მართლმსაჯულების აღსრულების შესაძლებლობების განვითარება.
4) საერთაშორისო და საჯარო/კერძო თანამშრომლობის გაძლიერება.

პროექტის მოსალოდნელი შედეგებია:
1. კიბერდანაშაულისა და ელექტრონული მტკიცებულებების შესახებ კანონმდებლობისა და პოლიტიკის გაუმჯობესება ბუდაპეშტის კონვენციისა და მისი მეორე ოქმის მოთხოვნების უკეთესი შესრულებით.
2. სისხლისსამართლივი ორგანოების შესაძლებლობების გაძლიერება მდგრადი სასწავლო კურსების, სპეციალიზებული ტრენინგებისა და პრაქტიკული სავარჯიშოების მეშვეობით.
3. გაუმჯობესებული თანამშრომლობა კიბერდანაშაულის შესახებ კონვენციის მეორე დამატებითი ოქმის (გაძლიერებულ თანამშრომლობასა და ელექტრონული მტკიცებულების გაზიარების თაობაზე) საფუძველზე.
4. თანხვედრის გაზრდა სისხლისსამართლებრივ პროცესსა და კიბერუსაფრთხოების ფარგლებში კიბერსაფრთხეებზე რეაგირების პროცესს შორის.