Təklif olunan fəaliyyət “Şərq Tərəfdaşlığında Vətəndaş Cəmiyyətinin Dayanıqlığının Artırılması”
(ERICS-EaP) adlanır. Layihənin məqsədi Şərq Tərəfdaşlığının altı ölkəsində vətəndaş cəmiyyəti
təşkilatlarının (VCT-lər) demokratik idarəçilik və islahat proseslərindəki rolunu gücləndirməkdən
ibarətdir. Bu hədəfə nail olmaq üçün ERICS-EaP bir sıra kompleks tədbirləri nəzərdə tutur. Bura
təşkilati potensialın artırılması və spesifik risklərin idarə edilməsi ilə yanaşı, davamlılıq,
şəbəkələşmə və səyahət qrantları formasında birbaşa maliyyələşdirmə daxildir. Layihə vətəndaş
cəmiyyəti təşkilatlarını dayanıqlı demokratik tərəflər kimi formalaşdırmaq üçün onları zəruri
bacarıqlarla, təşkilati və maliyyə resursları ilə, habelə regional şəbəkələrlə təmin edir.
Azərbaycan, Ermənistan, Belarus, Gürcüstan, Moldova və Ukraynada icra edilən bu fəaliyyət
çərçivəsində təxminən 500 VCT və onların işçi heyətinə birbaşa dəstək göstəriləcək. Bu proses
əsasən üçüncü tərəflərə maliyyə dəstəyinin göstərilməsi vasitəsilə reallaşdırılacaq ki, bu da
ERICS-EaP layihəsinin ümumi büdcəsinin 68,5 faizini təşkil edir.

Şərq Tərəfdaşlığı ölkələrində vətəndaş cəmiyyəti təşkilatlarının daxili və regional sarsıdıcı
dinamikalara qarşı dözümlülüyünün təmin edilməsi, onların öz ölkələrində demokratikləşmə,
islahat və bərpa proseslərinə töhfə vermək imkanlarının genişləndirilməsi:
- Şərq Tərəfdaşlığı regionundakı VCT-lərin demokratik inkişafı və idarəçiliyi təşviq etmək üçün
təşkilati potensialının artırılması,
- VCT-lərin dayanıqlığını gücləndirmək, yerli icmalar və vətəndaşlarla iş birliyini genişləndirmək
üçün maliyyə resursları ilə təmin edilməsi.
- Demokratik idarəçiliyi və Avropa dəyərlərini birgə təbliğ etmək

- Regionda vətəndaş cəmiyyətinin maliyyə və resurs bazasının təkmilləşdirilməsi
- Əhatə dairəsinin genişləndirilməsi, təsir gücü, tanınma səviyyəsi, hesabatlılıq və idarəetmənin
təkmilləşdirilməsi məqsədilə regiondakı vətəndaş cəmiyyətinin əsas seqmentləri üçün hədəfli
potensialın gücləndirilməsi tədbirlərinin təşkili
Vətəndaş cəmiyyətinin vətəndaşlar, icmalar və benefisiar qrupları ilə səmərəli inteqrasiyasının
təmin edilməsi və onların dövlət idarəçiliyinin bütün səviyyələri ilə əlaqələndirilməsi
Vətəndaş cəmiyyəti platformaları və şəbəkələri vasitəsilə regional və beynəlxalq əməkdaşlığın
və təcrübə mübadiləsinin gücləndirilməsi