შემოთავაზებული ღონისძიების სახელწოდებაა სამოქალაქო საზოგადოების მდგრადობის გაძლიერება აღმოსავლეთ პარტნიორობის რეგიონში (ERICS-EaP). მისი მიზანია სამოქალაქო საზოგადოების ორგანიზაციების როლის გაძლიერება დემოკრატიულ მმართველობასა და რეფორმების განხორციელებაში აღმოსავლეთ პარტნიორობის ექვს ქვეყანაში. ამ მიზნის შესასრულებლად ERICS-EaP მოიცავს აქტივობების ერთობლიობას, რომლებიც უზრუნველყოფს სამოქალაქო საზოგადოების ორგანიზაციებს საჭირო უნარებით, ორგანიზაციული და ფინანსური რესურსებით და რეგიონული ქსელებით, რათა ისინი ჩამოყალიბდნენ მოქნილ და მდგრად დემოკრატიული სუბიექტებად; პრაქტიკულად ეს განხორციელდება ორგანიზაციული და რისკ-სპეციფიკური პოტენციალის შექმნით, ასევე მდგრადობის, ქსელური და სამოგზაურო გრანტების ფორმით გაცემული პირდაპირი დაფინანსებით.
ღონისძიება, რომელიც აზერბაიჯანში, სომხეთში, ბელარუსში, საქართველოში, მოლდოვასა და უკრაინაში დაინერგება, უშუალოდ მოიზიდავს და მხარს დაუჭერს 
500-მდე სამოქალაქო საზოგადოების ორგანიზაციას და მათ პერსონალს. აღნიშნული ძირითადად განხორციელდება მესამე მხარის ფინანსური მხარდაჭერით, რომელიც ERICS-EaP-ის პროექტის მთლიანი ღირებულების 68.5 პროცენტს შეადგენს.

აღმოსავლეთ პარტნიორობის რეგიონის სამოქალაქო საზოგადოების ორგანიზაციები (CSO) მზადყოფნაში უნდა იყვნენ დესტრუქციული შიდა და რეგიონული პროცესებისთვის წინააღმდეგობის გასაწევად და წვლილის შესატანად მათ ქვეყნებში მიმდინარე დემოკრატიზაციის, რეფორმების და აღდგენის პროცესებში:

- აღმოსავლეთ პარტნიორობის რეგიონის სამოქალაქო საზოგადოების ორგანიზაციებს უნდ ჰქონდეთ ორგანიზაციული პოტენციალი დემოკრატიულ განვითარების და მმართველობის მხარდასაჭერად,
- აღმოსავლეთ პარტნიორობის რეგიონის სამოქალაქო საზოგადოების ორგანიზაციებს უნდა ჰქონდეთ ფინანსური რესურსები საკუთარი მდგრადობის გასაძლიერებლად და ადგილობრივ საზოგადოებრივ თემებთან და მოქალაქეებთან ურთიერთობების გასაუმჯობესებლად,
- აღმოსავლეთ პარტნიორობის რეგიონის სამოქალაქო საზოგადოების ორგანიზაციებმა უნდა გააფართოვონ რეგიონული კავშირები და თანამშრომლობა, რათა ერთობლივად შეუწყონ ხელი დემოკრატიულ მმართველობას და ევროპულ ღირებულებებს.

- რეგიონის სამოქალაქო საზოგადოების ფინანსური და რესურსული ბაზის გაუმჯობესება;
- რეგიონული სამოქალაქო საზოგადოების ძირითადი სეგმენტების მიზნობრივი მხარდაჭერა მათი პოტენციალის გასაზრდელად ურთიერთობების, ზეგავლენის, ცნობადობის, ანგარიშვალდებულების და მენეჯმენტის გაუმჯობესების მიზნით;
- სამოქალაქო საზოგადოების მხარდაჭერა მოქალაქეებთან, საზოგადოებასთან და მოსახლეობის ჯგუფებთან ეფექტიანი ურთიერთობის უზრუნველსაყოფად, და სათანადო კავშირების დასამყარებლად ხელისუფლებასთან ყველა დონეზე;
- რეგიონული და საერთაშორისო თანამშრომლობის გაძლიერება და გაცვლების გააქტიურება სამოქალაქო საზოგადოების პლატფორმების და ქსელების საშუალებით.