"Təhsil sahəsində islahatlara və bacarıqların artırılmasına dəstək" (SER) proqramı Avropa
İttifaqının Şərq Tərəfdaşlığı regionunda birbaşa təhsil sahəsinə yönəlmiş ilk regional
proqramıdır. Üç il (2024–2026) davam edəcək və 2,5 milyon avro büdcəsi olan bu proqramın
məqsədi təhsil sistemlərinin səmərəliliyini, keyfiyyətini, bərabərliyini, bərabərhüquqluluğunu və
aktuallığını artırmaq, habelə Azərbaycan, Ermənistan, Gürcüstan, Moldova və Ukraynada təhsil
sahəsində müsbət, uzunmüddətli və davamlı dəyişikliklər etməkdir. Proqram üç əsas
komponentə əsaslanır:
1. Təhsilin cəld diaqnostikası – sektorı tam əhatə edən bu təhlil üç tematik ölçüyə əsaslanır:
bərabərsizliklər, maliyyələşmə və idarəetmə.
2. Siyasətin icrası üçün potensialın inkişaf etdirilməsi – "təhsilin çevik diaqnostikası"
metodologiyasına əsaslanan bu komponent sektor strategiyalarının effektiv icrası üçün
imkanları artırmaq məqsədi daşıyır və ölkələrdə müəyyən edilmiş problemlərin həllinə
yönəlmişdir.
3. Regional səviyyədə təlim və qarşılıqlı öyrənmə – bu komponent çərçivəsində fəaliyyətlər
ölkələr üzrə ümumi problemləri aradan qaldırır və konkret ölkələr üzrə göstərilən ekspert
dəstəyini tamamlayır.

Proqramın ümumi məqsədi tərəfdaş ölkələrdə təhsilin bərabərliyinə, keyfiyyətinə və
aktuallığına töhfə verməkdir.
Proqramın xüsusi məqsədləri aşağıdakılardır:
1. Şərq Tərəfdaşlığı ölkələrində təhsil sistemlərinin (məktəbəqədər təhsildən ali təhsilə qədər, o
cümlədən peşə təhsili və təlimi sistemini və böyüklərin öyrənməsini əhatə etməklə) idarə
olunmasını təkmilləşdirmək.
2. Təhsil sektorunda sübutlara əsaslanan planlaşdırma, idarəetmə və fəaliyyətin monitorinqi
üzrə potensialı gücləndirmək.

Müvafiq xüsusi məqsədlərə töhfə vermək üçün bu fəaliyyət çərçivəsində təmin olunacaq
nəticələr aşağıdakılardır:
Nəticə 1: Milli təhsil sektorları üzrə diaqnostikaların tamamlanması (maksimum 5) (Birinci
komponent).
Nəticə 2: Təhsilin idarə olunması, maliyyələşdirilməsi və planlaşdırılması sahəsində milli
administrasiyaların/təsisatların potensialının gücləndirilməsi (İkinci və üçüncü komponent).
Nəticə 3: Təlim və qarşılıqlı öyrənmə imkanlarının artırılması (Üçüncü komponent).