Aİ tərəfindən maliyyələşdirilən bu layihə Şərq Tərəfdaşlığı (ŞT) regionunda 36 ay müddətində
icra olunacaq və əvvəllər həyata keçirilmiş fəaliyyətin ikinci mərhələsidir. Məqsəd mütəşəkkil
cinayətkarlığın qarşısını almaq və onunla mübarizə aparmaqdır ki, bura xüsusilə aktivlərin
bərpası mexanizmlərinin (həm cinayət-hüquqi, həm də qeyri-cinayət xarakterli)
təkmilləşdirilməsi daxildir. Prosesə cəlb olunacaq əsas milli qurumlara, məsələn, Ədliyyə
Nazirlikləri, Baş Prokurorluqlar, Aktivlərin Bərpası (və İdarə Edilməsi) idarələri və Maliyyə
Monitorinqi Xidmətləri aiddir. Texniki yardımın səciyyəvi nümunələri sırasına tədqiqat,
potensialın artırılması, öyrənmə missiyaları, işçi qrupların iclasları, eləcə də icraatda olan işlər
üzrə texniki məsləhətlər və mentorluq daxildir.

Bu fəaliyyətin ümumi məqsədi aktivlərin bərpası sahəsində müasir siyasət və təcrübələrin
davamlı şəkildə tətbiqi üçün Azərbaycan, Ermənistan, Gürcüstan, Moldova və Ukraynaya
davamlı dəstək vermək, mütəşəkkil cinayətkarlıqdan əldə edilmiş gəlirlərin bərpası
istiqamətində əməliyyatların icrasına şərait yaratmaq, habelə həm ŞT regionuna, həm də nəticə
etibarilə Aİ-yə üzv dövlətlərə təsir göstərən mütəşəkkil cinayətkar fəaliyyətin yeni formaları ilə
mübarizə üçün innovativ və yüksək texniki dəstək təmin etməkdir.

1. Müvafiq milli rəsmilər mütəşəkkil cinayətkarlıqla mübarizə sahəsində nəticələri
yaxşılaşdıran və qanunsuz yolla əldə edilmiş aktivlərin ələ keçirilməsi (və effektiv saxlanılması /
idarə edilməsi) prosesini təkmilləşdirən müasir siyasət və təcrübələr haqqında daha çox
məlumat əldə etmək imkanına malik olacaqlar;
2. ŞT rəsmiləri mütəşəkkil cinayətkar fəaliyyətlə bağlı aktivlərin izlənilməsi və bərpası üzrə
konkret icraatda olan işlərin həlli üçün yüksək ixtisaslaşmış məsləhət xidməti və müvafiq
dəstəklə təmin olunacaqlar.