Proqram Şərq Tərəfdaşlığı ölkələrinin fövqəladə hallara və səhiyyə sahəsindəki əsas çətinliklərə
qarşı mübarizə potensialını gücləndirəcək. Bu fəaliyyət səhiyyə sistemindəki işçi qüvvəsinin
potensialı və dayanıqlığı və psixi sağlamlıq sistemlərinin gücləndirilməsi kimi iki xüsusi məqsəd
üzrə həyata keçiriləcək. Xüsusilə, proqram tibb işçilərinin cəlb edilməsi və sektorda saxlanılması
siyasətini möhkəmləndirəcək, tibb bacısı işi və tibbi təhsil sistemlərini təkmilləşdirəcək, habelə
milli səhiyyə sistemində kadrların idarə olunması və planlaşdırılmasını yaxşılaşdıracaq. Layihə
həmçinin sübutlara əsaslanan psixi sağlamlıq siyasətini təkmiləşdirəcək, qanunvericilik
bazalarını yeniləyəcək və tibb və yüksəkkeyfiyyətli psixi sağlamlıq xidmətlərindən istifadəni
genişləndirmək üçün sosial xidmət işçilərini zəruri bacarıqlarla təmin edəcək. Bundan əlavə,
proqram "bütöv hökumət" və "bütöv cəmiyyət" yanaşmaları vasitəsilə stiqma və ayrı-seçkiliklə
mübarizə aparacaq, eyni zamanda psixi sağlamlıq və rifahın təşviqi üçün sektorlararası
əməkdaşlığı — xüsusilə mədəniyyət sektoru ilə əlaqələri stimullaşdıracaq.

Bu fəaliyyətin ümumi məqsədi Şərq Tərəfdaşlığı ölkələrində fövqəladə hallara və səhiyyə
sistemindəki əsas çətinliklərə qarşı mübarizə potensialını gücləndirmək üçün davamlı və bir-biri
ilə qarşılıqlı əlaqəli səhiyyə sistemlərinə töhfə verməkdir.

1. Keyfiyyətli səhiyyə xidmətlərinin göstərilməsini təmin etmək üçün səhiyyə sistemindəki
işçi qüvvəsinin potensialının və dayanıqlığının gücləndirilməsi.
2. İdarəetmə, potensial, habelə psixi pozuntuların qarşısının alınması və idarə edilməsi üzrə
bacarıqlar daxil olmaqla, psixi sağlamlıq sistemlərinin gücləndirilməsi.