Ծրագրի նպատակն է ամրապնդել Արևելյան գործընկերության երկրների կարողությունները առողջապահական արտակարգ իրավիճակներին արձագանքելու և առողջապահության ոլորտի հիմնական մարտահրավերներին արդյունավետ կերպով դիմակայելու համար։ Այն կկենտրոնանա երկու հատուկ նպատակների վրա՝ 1) առողջապահական աշխատուժի կարողությունների և դիմակայունության ամրապնդում, և 2) հոգեկան առողջության համակարգերի ուժեղացում։ Մասնավորապես, ծրագիրը կաջակցի առողջապահական աշխատողների ներգրավման և պահպանմանն ուղղված քաղաքականությունների բարելավմանը, բուժքույրական և բժշկական կրթության համակարգերի զարգացմանը, ինչպես նաև առողջապահական աշխատուժի ազգային կառավարման և պլանավորման մեխանիզմների ուժեղացմանը։ Միաժամանակ, ծրագիրը կնպաստի ապացույցների վրա հիմնված հոգեկան առողջության քաղաքականությունների մշակմանն ու առաջխաղացմանը, համապատասխան օրենսդրական շրջանակների բարեփոխմանը և առողջապահության ու խնամքի ոլորտի մասնագետների կարողությունների զարգացմանը՝ բարձրորակ հոգեկան առողջության ծառայությունների հասանելիությունն ընդլայնելու նպատակով։

Սույն Գործողության ընդհանուր նպատակն է աջակցել Արևելյան գործընկերության երկրներում դիմակայուն և փոխկապակցված առողջապահական համակարգերի կայացմանը՝ առողջապահական արտակարգ իրավիճակներին արդյունավետ արձագանքելու և առողջապահության ոլորտի հիմնական մարտահրավերներին դիմակայելու կարողությունների ամրապնդման նպատակով։

1. Ամրապնդված առողջապահական աշխատուժի կարողություններ ու դիմակայունություն՝ ապահովելու որակյալ առողջապահական ծառայությունների արդյունավետ և շարունակական մատուցումը։
2. Ամրապնդված հոգեկան առողջության համակարգեր, ներառյալ կառավարման մեխանիզմներ, ինստիտուցիոնալ կարողություններ ու մասնագիտական հմտություններ՝ հոգեկան առողջության խնդիրների կանխարգելման և կառավարման ոլորտում։