Падтрыманы ЕС праект "Садзейнічанне пераходу да чыстай энергетыкі ў краінах Усходняга партнёрства: EU4Energy Фаза II - Кампаненты 3-6" рэалізуецца Міжнародным энергетычным агенцтвам (МЭА). Праект падтрымлівае краіны Усходняга партнёрства ва ўмацаванні энергетычнай бяспекі, ліквідацыі інвестыцыйных бар'ераў для фінансавання чыстай энергетыкі і павелічэнні долі аднаўляльных крыніцаў энергіі ў энергабалансе.

Мэта праекту - падтрымаць урады краін-партнёраў у пераходзе да чыстай энергіі праз удасканальванне палітыкі ў гэтай сферы, паляпшэнне якасці дадзеных і пашырэнне іх даступнасці, а таксама павышэнне абазнанасці людзей пра пытанні энергетыкі.

- Павышэнне якасці распрацоўкі рашэнняў у галіне энергетычнай палітыкі на аснове якасных дадзеных і перадавой практыкі.
- Павышэнне ўстойлівасці і вымяральнасці развіцця энергетычнага сектара.
- Павелічэнне абазнанасці пра развіццё энергетычнага сектара, паляпшэнне якасці дадзеных і распрацоўкі палітыкі праз прысутнасць у інтэрнэце.
- Умацаванне патэнцыялу нацыянальных статыстычных ведамстваў.
- Сталае паляпшэнне паказчыкаў энергаэфектыўнасці.