ԵՄ աջակցությամբ և Միջազգային էներգետիկ գործակալության (ՄԷԳ) կողմից իրականացվող «Արևելյան գործընկերության երկրներում մաքուր էներգիայի անցման խթանում. ԵՄ-ն էներգիայի համար ծրագրի II փուլ, բաղադրիչներ 3-6» ծրագիրն աշխատում է Արևելյան գործընկերության երկրների կառավարությունների հետ՝ նրանց աջակցելով էներգետիկ անվտանգության ամրապնդման, մաքուր էներգիայի ֆինանսավորման համար ներդրումային խոչընդոտների վերացման և էներգիայի խառնուրդում վերականգնվող էներգիայի մասնաբաժնի ավելացման ջանքերում:

Ծրագրի նպատակն է աջակցել թիրախային երկրների կառավարությունների մաքուր էներգիայի անցման ուղղությամբ աշխատանքներին` քաղաքականության մշակման կատարելագործման և տվյալների որակի բարելավման ու տարածման, ինչպես նաև էներգետիկ տեղեկատվության մասին իրազեկության բարձրացման միջոցով:

- Մեծացել է էներգետիկ քաղաքականության շուրջ որակյալ տվյալների և լավագույն պրակտիկաների ուղեցույցների վրա հիմնված ընդհանուր որոշումների կայացման ներուժը.
- Էներգետիկայի ոլորտի հաստատուն, կայուն և չափելի զարգացում.
- Էներգետիկ ոլորտում զարգացումների մասին իրազեկվածության բարձրացում, բարելավված տվյալներ և քաղաքականություն` վեբ ներկայության միջոցով.
- Ազգային վիճակագրական գործակալությունների ամրապնդված ներուժ.
- Էներգաարդյունավետության ցուցանիշների շարունակական բարելավում: