EU4Business ინიციატივა ხელს უწყობს ეკონომიკური და საინვესტიციო გეგმის (EIP) განხორციელებას აღმოსავლეთ პარტნიორობის ქვეყნებში და ამის საფუძველზე — მდგრად და სამართლიან ეკონომიკურ ზრდას რეგიონში. პროგრამა უზრუნველყოფს ევროკავშირის კერძო სექტორის განვითარების მხარდაჭერის ყველა პროექტის რეგულარულ და საფუძვლიან მონიტორინგს აღმოსავლეთ პარტნიორობის რეგიონში; ის შეაფასებს ინიციატივის EU4Business რეგიონული და ორმხრივი პროექტების გავლენას და შედეგებს; და მაქსიმალურად გაზრდის ევროკავშირის მხარდაჭერის მასშტაბს და ცნობადობას.

ზოგადი მიზანი: მდგრადი და სამართლიანი ეკონომიკური ზრდის განვითარება აღმოსავლეთ პარტნიორობის ქვეყნებში, რამაც შეიძლება გამოიწვიოს მეტი ინვესტიციების გენერირება და გააუმჯობესოს მოქალაქეების სოციალურ-ეკონომიკური პირობები და დასაქმების შესაძლებლობები

1. აღმოსავლეთ პარტნიორობის ქვეყნებში ევროკავშირის კერძო სექტორის განვითარების მხარდაჭერის ყველა პროექტის, და ცალკეული ქვეყნების შესაბამისი ფლაგმანური პროექტების მონიტორინგის და ხარისხობრივი შეფასების გაუმჯობესება;
2. ევროკავშირის მიერ მხარდაჭერილი კერძო სექტორის განვითარების პროექტების კომუნიკაციის გაუმჯობესება პოტენციურ ბენეფიციარებთან (მცირე და საშუალო საწარმოები ზოგადად, ქალების მიერ მართული ბიზნესი, ნაკლებად უზრუნველყოფილ რეგიონებში მდებარე მცირე და საშუალო საწარმოები და ა. შ.) და დაინტერესებულ მხარეებთან;
3. ცნობადობის გაუმჯობესება და თანმიმდევრული ბრენდინგის უზრუნველყოფა ევროკავშირის მიერ დაფინანსებული ინიციატივებისთვის, რომლებიც მხარს უჭერს კერძო სექტორის განვითარებას.

1. რეგულარული ანალიტიკური ანგარიშების გამოქვეყნება კერძო სექტორის ორმხრივი და რეგიონული დახმარების პროექტების/პროგრამების და მათი გავლენის შესახებ (ანგარიშები ასევე მოიცავს ახლახან დაწყებული EFSD/EFSD+ გარანტიებითა და შერწყმული პროექტებით მხარდაჭერილ ოპერაციებს).
2. გაუმჯობესებული კომუნიკაცია და წვდომა პოტენციურ ბენეფიციარებთან იმ მიზნით, რომ მაქსიმალურად გაიზარდოს ევროკავშირის მიერ მხარდაჭერილი პროგრამების გავლენა, განსაკუთრებით ყველაზე დაუცველ და ნაკლებად უზრუნველყოფილ ჯგუფებზე.
3. აღმოსავლეთ პარტნიორობის რეგიონში კერძო სექტორისა და EU4Business ბრენდის მხარდაჭერის მთავარი აქტორის — ევროკავშირის გაუმჯობესებული იმიჯი, როგორც ზოგადად, ისე კერძოდ - მცირე და საშუალო საწარმოებში და პარტნიორ მთავრობებში. EU4business ინიციატივის და მისი ძირითადი პროექტების გაუმჯობესებული ცნობადობა აღმოსავლეთ პარტნიორობის რეგიონის ბიზნეს-წრეებში.
4. რეგიონში ევროკავშირის მხარდაჭერით შემუშავებული ჭკვიანი სპეციალიზაციის სტრატეგიების განხორციელების მხარდაჭერა.