ღონისძიება „ევროპის რეკონსტრუქციისა და განვითარების ბანკის რჩევები მცირე ბიზნესებისთვის, ევროპის გუნდის აღმოსავლეთ პარტნიორობის ფანჯარა“ შექმნილია იმისთვის, რომ დაეხმაროს მცირე და საშუალო საწარმოებს კორონავირუსის (Covid-19) პანდემიის ეკონომიკური გავლენის დაძლევაში სომხეთში, აზერბაიჯანში, ბელარუსში, საქართველოში, მოლდოვასა და უკრაინაში, და მხარი დაუჭიროს ციფრულ ეკონომიკასთან ადაპტაციას. ღონისძიების მიზანია ფინანსებზე წვდომის გაუმჯობესება მცირე და საშუალო საწარმოებისთვის და ღრმა და ყოვლისმომცველი თავისუფალი სავაჭრო სივრცის შესახებ შეთანხმების („DCFTA“) განხორციელების მხარდაჭერა საქართველოში, მოლდოვასა და უკრაინაში. ღონისძიება ასევე დაეფუძნება და შეავსებს ევროკავშირის მიერ დაგეგმილ და მიმდინარე ბიზნეს-საკონსულტაციო პროგრამებს ბილატერალური მხარდაჭერით, კერძოდ, სომხეთში, ბელარუსში, საქართველოში და უკრაინაში.

ღონისძიების მთავარი მიზანია ცვლილებების მიღწევა სიცოცხლისუნარიან მცირე და საშუალო საწარმოებში აღმოსავლეთ პარტნიორობის ქვეყნებში და მათი დახმარება Covid-19 პანდემიის დაძლევაში. მეორადი მიზანია აღმოსავლეთ პარტნიორობის ქვეყნების მცირე და საშუალო საწარმოების ევროკავშირის ღირებულებათა ჯაჭვებში ინტეგრაციის მხარდაჭერა, რაც უნდა მოხდეს ღრმა და ყოვლისმომცველი თავისუფალი სავაჭრო სივრცის შესახებ შეთანხმების (DCFTA) და სხვა სავაჭრო შეთანხმებების მიერ შემოთავაზებული შესაძლებლობების ეფექტიანი გამოყენებით.

1. კერძოდ, მცირე და საშუალო საწარმოების მხარდაჭერა Covid-19 პანდემიის ეკონომიკური დაღმავლობის დაძლევასა და აღდგენაში.
2. მცირე და საშუალო საწარმოების კონკურენტუნარიანობის გაზრდა ბიზნესის და ინდუსტრიისთვის საჭირო ექსპერტიზის მიწოდებით, მათ შორის ციფრული ეკონომიკისთვის მზადყოფნის და ექსპორტის შესაძლებლობების გაუმჯობესებით წარმოების და მომსახურების სექტორებში.
3. „ტრადიციული“ ბიზნეს-საქმიანობით დაკავებული მცირე და საშუალო საწარმოების საკონსულტაციო მხარდაჭერა ბიზნესში ახალი ციფრული ტექნოლოგიების და მიდგომების ინტეგრირების მიზნით.
4. ადგილობრივი ბიზნეს-საკონსულტაციო მომსახურების გაუმჯობესებული და მდგრადი ინფრასტრუქტურა.
5. დაფინანსებაზე წვდომის გაუმჯობესება მცირე და საშუალო საწარმოებისთვის, რაც განხორციელდება კომპანიების ინვესტიციებისთვის მომზადებით ევროპის რეკონსტრუქციისა და განვითარების ბანკის, სხვა საერთაშორისო ფინანსური ინსტიტუტების თუ ადგილობრივი ბანკების მიერ, და დაფინანსების მიმღები მცირე და საშუალო საწარმოებისთვის საკონსულტაციო მომსახურების გაწევით.

1. მცირე და საშუალო საწარმოების დახმარება დაფინანსებასა და ნოუ-ჰაუზე წვდომის გასაუმჯობესებლად ეკონომიკური კრიზისის პირობებში, ციფრული მზადყოფნისა და მდგრადობის განვითარება კონკურენტუნარიანობის გასაძლიერებლად, და ამავდროულად, DCFTA-ს განხორციელების მხარდაჭერა კერძო სექტორში.
2. კერძო სექტორის პირდაპირი დახმარება საწარმოს დონეზე ბაზრის სისტემური განვითარების და პოტენციალის გაზრდის ღონისძიებებით, როგორიცაა მაგალითად, ტრენინგები მცირე და საშუალო საწარმოებისთვის და საბაზრო ეკონომიკის საუკეთესო მოწინავე პრაქტიკის ფართოდ დანერგვა.
3. ბიზნეს-საკონსულტაციო მომსახურების მდგრადი ქსელის განვითარება სომხეთში, აზერბაიჯანში, ბელარუსში, საქართველოში, მოლდოვასა და უკრაინაში.