ინიციატივა „მდგრადი, ღია და ანგარიშვალდებული დემოკრატიები აღმოსავლეთ პარტნიორობის რეგიონისთვის (Road4EaP)“ წარმოადგენს გზამკვლევს დემოკრატიის გასაძლიერებლად და მოქალაქეთა ცხოვრების გასაუმჯობესებლად აღმოსავლეთ პარტნიორობის ქვეყნებში ღია, ინკლუზიური და ანგარიშვალდებული მთავრობების მხარდაჭერით, რომელთაც შეუძლიათ წინ აღუდგნენ კორუფციას. ინიციატივის მიზანია კორუფციის შემცირება და უფრო გამჭვირვალე, მოქალაქეზე ორიენტირებული მმართველობის ხელშეწყობა.
ამის მისაღწევად პროექტი ხელს უწყობს კორუფციის წინააღმდეგ ბრძოლის და ღია მმართველობის რეფორმებს აღმოსავლეთ პარტნიორობის ქვეყნებში, ამ პროცესში ოფიციალური ხელისუფლების, სამოქალაქო საზოგადოების ორგანიზაციების, ჟურნალისტების და კერძო სექტორის ფართო სპექტრის ჩართვით. ძირითადი აქტივობები მოიცავს ღია მმართველობის პარტნიორობის (OGP) სამოქმედო გეგმების შემუშავებას და განხორციელებას, ქვეგრანტების გაცემას სამოქალაქო საზოგადოების გაძლიერების მიზნით, OGP-ის ღონისძიებებში დაინტერესებულ მხარეთა მონაწილეობის ხელშეწყობას, გამოცდილების გაზიარებას რეგიონულ დონეზე, ასევე ტრენინგების ჩატარებას ლიდერობის და სხვა უნარების გასაძლიერებლად, მტკიცებულებებზე დაფუძნებული რეკომენდაციების შემუშავებას ღია მმართველობის მხარდასაჭერად, და ჯილდოების გაცემას, რომლებიც აღიარებს და ხელს უწყობს წარმატებულ რეფორმებს.
თანამშრომლობის გაძლიერებით მთავრობებს, სამოქალაქო საზოგადოებას და საერთაშორისო პარტნიორებს შორის, ინიციატივა ესწრაფვის გამჭვირვალობის, ანგარიშვალდებულების და მოქალაქეთა მონაწილეობაზე დამყარებული კულტურის ჩამოყალიბებას რეგიონში. ამ ინიციატივების საშუალებით აღმოსავლეთ პარტნიორობის ქვეყნები მნიშვნელოვან წარმატებებს მიაღწევენ ანტიკორუფციული პრაქტიკის, ღია მმართველობის რეფორმების და ინკლუზიური მმართველობის განხორციელებაში, რაც საბოლოო ჯამში ხელს შეუწყობს დემოკრატიის გაძლიერებას და მმართველობის გაუმჯობესებას რეგიონში.

ამ ინიციატივის მთავარი მიზანია კორუფციის შემცირება და უფრო გამჭვირვალე და ინკლუზიური მმართველობის ხელშეწყობა აღმოსავლეთ პარტნიორობის ქვეყნებში. ღია მმართველობის პრაქტიკასა და ანტიკორუფციულ ღონისძიებებზე ფოკუსირებით, ინიციატივა მიზნად ისახავს მიაღწიოს მნიშვნელოვან წინსვლას ანგარიშვალდებული და ხელმისაწვდომი ინსტიტუტების შესაქმნელად რეგიონში.

ამ ამოცანის შესასრულებლად ღონისძიება:

დანერგავს და განახორციელებს ღია მმართველობის და ანტიკორუფციულ რეფორმებს: უზრუნველყოფს ამ მიდგომების ინტეგრირებას აღმოსავლეთ პარტნიორობის ყველა ქვეყნის პოლიტიკასა და პრაქტიკაში, და ხელს შეუწყობს კეთილსინდისიერების და ღიაობის კულტურის დანერგვას მმართველობაში.

დასახული ღონისძიებების განხორციელებით ინიციატივა მიზნად ისახავს შემდეგი შედეგების მიღწევას:
შედეგები:
1. ღია მმართველობის და ანტიკორუფციული რეფორმების ერთობლივი განხორციელება ინკლუზიური გზით.
2. მთავრობის და სამოქალაქო საზოგადოების სუბიექტების უფრო ფართო სპექტრის ჩართვა და მათი თანამშრომლობა ღია მმართველობის და ანტიკორუფციული რეფორმების განსახორციელებლად.
3. პარტნიორული ურთიერთობები და თანამშრომლობის გააქტიურება საერთაშორისო პარტნიორებთან და ფინანსურ ინსტიტუტებთან ღია მმართველობის და კორუფციის საწინააღმდეგო ინიციატივების მხარდასაჭერად.
4. ღია მმართველობისა და კორუფციის საწინააღმდეგო რეფორმებში მონაწილეთა გაძლიერება და მათზე ყურადღების გამახვილება.
5. ღია მმართველობის და კორუფციის საწინააღმდეგო მიდგომების გაძლიერება.