წარმატებული ანტიკორუფციული პოლიტიკა, მაღალი დონის და კომპლექსური კორუფციის პრევენცია და მასთან ბრძოლა გადამწყვეტია სტაბილური სახელმწიფოების და საზოგადოებების ჩამოყალიბებისთვის. გარდა ამისა, ეს საკითხები ფიგურირებს აღმოსავლეთ პარტნიორობის 2020 წლის შემდგომი დღის წესრიგის პრიორიტეტებს შორის.

კორუფციის წინააღმდეგ ბრძოლის გაძლიერების ღონისძიება („ღონისძიება“) ევროკავშირის აღმოსავლეთ პარტნიორობის ქვეყნებში მიზნად ისახავს აღმოსავლეთ პარტნიორობის ქვეყნების ძალისხმევის მხარდაჭერას კანონის უზენაესობის წინაშე მდგარი საფრთხეების პრევენციასა და მათთან ბრძოლაში მიზნობრივი ანტიკორუფციული რეფორმების გზით. პროგრამის საფუძველზე „მოქმედება ევროკავშირი კეთილსინდისიერებისთვის აღმოსავლეთ პარტნიორობის რეგიონში“ („პროგრამა ევროკავშირი კეთილსინდისიერებისთვის“), რომელიც ეკონომიკური თანამშრომლობისა და განვითარების ორგანიზაციამ (OECD) 2021-2023 წლებში განახორციელა, ღონისძიებები ხელს შეუწყობს მტკიცებულებებზე დაფუძნებული ანტიკორუფციული პოლიტიკის განხორციელებას, ინსტიტუტების გაძლიერებას და აღსრულების ღონისძიებების გაუმჯობესებას ფოკუსირებით მაღალი დონის და კომპლექსურ კორუფციაზე; ამისათვის გამოყენებული იქნება: რეგიონული დიალოგი, სამოქალაქო საზოგადოების ჩართულობით გაძლიერებული მონიტორინგი, და სიღრმისეული ანალიზი და გამოცდილების გაზიარება სამართალდამცავი ორგანოების და ბიზნესის კეთილსინდისიერების საკითხებზე.

ღია მმართველობის პარტნიორობასთან (OGP) კოორდინაციით, ღონისძიება ხელს შეუწყობს ამ ქვეყნებში კორუფციის საწინააღმდეგო რეფორმების გამტარებელთა გაძლიერებას მთავრობასა და სამოქალაქო საზოგადოებაში, რათა დაეხმაროს მათი, როგორც ცვლილების აგენტების საქმიანობას ანტიკორუფციული რეფორმების წარმატებით განხორციელებაში.

ღონისძიების განხორციელების საფუძველი იქნება ევროკავშირის კეთილსინდისიერების პროგრამიდან (2021-2023) მიღებული შედეგები და გამოცდილება. ღონისძიების მიზნების მისაღწევად გამოყენებული იქნება კორუფციის საწინააღმდეგო ექსპერტული შეფასებები, რეგიონული ანალიზი და დიალოგი, რომლებიც ემყარება შესრულების ინდიკატორებს, სიღრმისეულ ანალიზს და რეგიონული ცოდნის და გამოცდილების გაზიარებას მიზნობრივ თემატურ სფეროებში.

კონკრეტული მიზანი 1: ანტიკორუფციული რეფორმების გააქტიურების მხარდაჭერა აღმოსავლეთ პარტნიორობის ქვეყნებში.
კონკრეტული მიზანი 2: მაღალი დონის და კომპლექსურ კორუფციაზე გაძლიერებული რეაგირების მხარდაჭერა სამართალდამცავი ორგანოების მხრიდან აღმოსავლეთ პარტნიორობის ქვეყნებში;
კონკრეტული მიზანი 3: ღონისძიებების ეფექტურობის გაძლიერება ბიზნესის კეთილსინდისიერების უზრუნველსაყოფად აღმოსავლეთ პარტნიორობის ქვეყნებში

მიზანი 1
საორიენტაციო შედეგები
ეს აქტივობები ხელს შეუწყობს შემდეგი მოსალოდნელი გავლენის და შედეგების მიღებას:
• აღმოსავლეთ პარტნიორობის ქვეყნები გაააქტიურებენ ანტიკორუფციულ რეფორმებს ანტიკორუფციულ პოლიტიკაში, კორუფციის პრევენციასა და ანტიკორუფციული სისხლისსამართლებრივი პასუხისმგებლობის აღსრულებაში, ფოკუსირებით მაღალი დონის კორუფციაზე (გავლენა)
• ანტიკორუფციული ორგანოები და სხვა შესაბამისი აქტორები გამოიყენებენ მტკიცებულებებზე დაფუძნებულ მეთოდებს ანტიკორუფციული პოლიტიკის შესამუშავებლად და განსახორციელებლად (შედეგი)
საორიენტაციო შედეგები
• ანტიკორუფციული ქსელის (ACN) ყოველწლიური პლენარული შეხვედრები (მათ შორის მონიტორინგისა და სამეთვალყურეო ჯგუფის შეხვედრები).
• პროკურორთა საერთაშორისო ასოციაციის (IAP) მონიტორინგის ანგარიშების მე-5 რაუნდი.
• შესრულების ძირითადი ინდიკატორები (KPI) რეგიონულ დონეზე საქმიანობის შერჩეულ სფეროებში.
• კორუფციის წინააღმდეგ ბრძოლის პერსპექტიული ანგარიშები.

მიზანი 2
საორიენტაციო შედეგები
ეს აქტივობები ხელს შეუწყობს შემდეგი მოსალოდნელი შედეგების მიღებას:
• სამართალდამცავი ორგანოების მიერ მაღალი დონის კორუფციის საქმეების გამოძიების და სისხლისსამართლებრივი დევნის გაუმჯობესება აღმოსავლეთ პარტნიორობის ქვეყნებში
საორიენტაციო შედეგები
• სამართალდამცავი ორგანოების ქსელის (LEN) ყოველწლიური შეხვედრები აღმოსავლეთ პარტნიორობის ქვეყნების და ევროკავშირის შერჩეული წევრი სახელმწიფოების მონაწილეობით.
• აღმოსავლეთ პარტნიორობის და ევროკავშირის სამუშაო ჯგუფების ყოველწლიური სესიები.
• ანალიტიკური ინსტრუმენტების გამოყენების შედარებითი კვლევა სამართალდამცავი ორგანოების ანტიკორუფციულ პრაქტიკაში აღმოსავლეთ პარტნიორობის და ანტიკორუფციული ქსელის (ACN) სხვა ქვეყნებში.
• სამართალდამცავი ორგანოების ყოველწლიური ანგარიში მაღალი დონის კორუფციის საქმეების მატრიცის საფუძველზე.

მიზანი 3
საორიენტაციო შედეგები
ეს აქტივობები ხელს შეუწყობს შემდეგი მოსალოდნელი შედეგების მიღებას:
• ხელისუფლება, კერძო სექტორი და სამოქალაქო საზოგადოების ორგანიზაციები ხელს შეუწყობენ ბიზნესის კეთილსინდისიერების გაუმჯობესებას აღმოსავლეთ პარტნიორობის ქვეყნებში.
საორიენტაციო შედეგები
• 15-მდე კონსულტაცია ბიზნესის კეთილსინდისიერების საკითხებზე აღმოსავლეთ პარტნიორობის ქვეყნებში.
• ბიზნესის კეთილსინდისიერების ჯგუფის (BIG) შეხვედრა.
• საკონსულტაციო ჯგუფი ბიზნესის კეთილსინდისიერების საკითხებზე და მისი შეხვედრა.
• ბიზნესის კეთილსინდისიერების კვლევები აღმოსავლეთ პარტნიორობის 5 ქვეყანაში.
• რეგიონული კვლევა სხვადასხვა ქვეყანაში შესაბამისი რეკომენდაციებით.