Yaxşı idarəçilik naminə tərəfdaşlıq (PGG) proqramı Şərq Tərəfdaşlığı (ŞT) ölkələrinin fərdi
ehtiyaclarına uyğun olaraq, milli qanunvericiliyin və təcrübənin Avropa standartlarına
uyğunlaşdırılmasını dəstəkləməyə yönəlmiş regional proqramdır. Proqramın III mərhələsi
əvvəlki iki mərhələnin məhkəmə orqanlarında islahatlar, korrupsiya ilə mübarizə, ayrı-seçkilik və
qadınlara qarşı zorakılıqla mübarizə sahələrində əldə etdiyi nailiyyətlərə əsaslanır. Hər bir
ölkədə həyata keçirilən konkret layihələr proqramın prioritet sahələri üzrə regional
fəaliyyətlərlə tamamlanır. Bütün bu fəaliyyətlər maraqlı tərəflərin insan hüquqları, demokratiya
və qanunun aliliyi sahələrində Avropa Şurasının standartlarına nail olmasını təmin etmək üçün
təşkilatın özünəməxsus təcrübəsinə əsaslanır. III mərhələnin planlaşdırılması zamanı Ukrayna,
Moldova və Gürcüstanın Aİ-yə namizəd statusu (Ukrayna və Moldova üçün) və ittifaqa üzv
olmaq səyləri (Gürcüstan üçün) ilə bağlı hədəfləri nəzərə alınmışdır.
PGG Ermənistan və Azərbaycanı dəstəkləməyə davam edəcək, həmçinin Belarusun demokratik
qüvvələri və vətəndaş cəmiyyəti ilə əməkdaşlığı dəstəkləyəcək.
Proqram milli qurumların potensialını möhkəmləndirmək və vətəndaşlar üçün onun məqsədləri
və faydaları haqqında ictimai məlumatlılığı artırmaq məqsədilə hüquqi məsləhətlər (o cümlədən
Sürətli Cavab Mexanizmi (QRM) çərçivəsində təqdim olunan hüquqi rəylər), potensialın
artırılması və məlumatlandırma fəaliyyətləri kimi tamamlayıcı tədbirlər vasitəsilə daxili
islahatların effektiv icrasını dəstəkləyir.

Proqramın ümumi məqsədi Şərq Tərəfdaşlığı ölkələrində qanunun aliliyinin gücləndirilməsinə
töhfə verməkdir.
Proqramın məqsədlərinə xüsusilə aşağıdakılar daxildir:
- Qanunun aliliyini gücləndirmək və məhkəmə sistemini möhkəmləndirmək.
- İqtisadi cinayətkarlıqla mübarizə aparmaq.
- Gender bərabərliyini və ayrı-seçkiliyə yol verilməməsini təşviq etmək, cəmiyyətin həssas
qruplarının və qadınların hüquqlarını qorumaq.
- Sürətli Cavab Mexanizmi (QRM) vasitəsilə prioritet islahatlarla bağlı Venesiya Komissiyası və
Avropa Şurasının digər qurumları tərəfindən hüquqi məsləhətlər vermək.
Proqramın fəaliyyətlərinə daxildir:
- Hüquqi təcrübə
- Ekspert yardımı və dəstəyi
- Siyasət üzrə təlimatlar və məsləhət alətləri
- Potensialın artırılması
- Mentorluq və kouçinq
- İnstitusional dəyişiklik proseslərinə dəstək vasitəsilə institusional quruculuq

- Məlumatlılığın artırılması
- Proqramın məqsədlərinə nail olunmasına dair hesabatların və müqayisəli məlumatların dərc
edilməsi.

1. Şərq Tərəfdaşlığı ölkələrinin milli qanunvericiliyinin və təcrübəsinin proqramın III
mərhələsinin prioritet sahələri üzrə (məhkəmə sisteminin gücləndirilməsi, iqtisadi
cinayətkarlıqla mübarizə, bərabərliyin təşviqi və qadınların ədalət mühakiməsinə çıxışının
artırılması, qadınlara qarşı zorakılıqla mübarizə) Avropa standartlarına uyğunluğunun artırılması.
2. Biliklərin paylaşılmasına, məlumat və qabaqcıl təcrübə mübadiləsinin genişləndirilməsinə və
şəbəkələrin qurulmasına imkan verən regional əməkdaşlığın təkmilləşdirilməsi.
3. Tərəfdaş ölkələr üçün mövcud olan Sürətli Cavab Mexanizmi vasitəsilə Avropa və beynəlxalq
standartlara uyğun olaraq prioritet islahatlara ehtiyaclara əsaslanan hüquqi məsləhətlərin
verilməsi.
4. Milli maraqlı tərəflərin və vətəndaş cəmiyyəti təşkilatlarının insan hüquqlarını və gender
bərabərliyini təşviq etmək, ayrı-seçkilik və qadınlara qarşı zorakılıqla mübarizə aparmaq
potensialının gücləndirilməsi.