Şərq Tərəfdaşlığında səhiyyə sisteminin dayanıqlığı: İnsanların sağlamlığına ciddi təhdidlər ilə
mübarizədə hazırlıq və əməkdaşlığın gücləndirilməsi.
“Şərq Tərəfdaşlığında səhiyyə sisteminin dayanıqlığı” adlanan bu təşəbbüs üçillikdir
(2025–2027). Təşəbbüsün ictimai səhiyyə sahəsində hazırlıq və cavab tədbirləri komponenti
Xəstəliklərin Profilaktikası və Nəzarəti üzrə Avropa Mərkəzi (ECDC) tərəfindən, psixi sağlamlıq və
səhiyyə sahəsindəki işçi qüvvəsi istiqamətləri isə ÜST-nin Avropa üzrə Regional Bürosu
tərəfindən icra olunur. Ümumilikdə bu təşəbbüs Aİ-nin Şərq Tərəfdaşlığı ölkələrində səhiyyə
sistemlərinin üç struktur komponent üzrə gücləndirilməsinə töhfə verməyi hədəfləyir.
ECDC bu təşəbbüs çərçivəsində tərəfdaş ölkələrə ictimai sağlamlıq sahəsində ciddi təhdidlərə və
böhranlara hazırlıq və cavab tədbirlərində dəstək göstərir. Əsas məqsəd ölkələrlə əməkdaşlıq
şəraitində əyani seminarlar, simulyasiya təlimləri, regional təlim sessiyaları, onlayn vebinarlar,
həmkarlar arasında təcrübə mübadiləsi və ikitərəfli fəaliyyətlər vasitəsilə milli səhiyyə
sistemlərinin spesifik cəhətlərini qiymətləndirməkdir. Bu qiymətləndirmələrin nəticələri
əsasında potensialın artırılmasına yönəlmiş tədbirlər həyata keçiriləcək. Milli qurumlar
tərəfindən təyin olunmuş mütəxəssislər şəbəkəsi daxilində regional risklər, çətinliklər və həll
yolları üzrə təcrübə mübadiləsinin

Əsas məqsəd: Şərq Tərəfdaşlığı ölkələrinin sağlamlıq sahəsində ciddi transsərhəd təhdidlərə
qarşı dayanıqlığını artırmaq.
Xüsusi məqsəd 1:
Şərq Tərəfdaşlığı ölkələrinin səhiyyə sistemlərini sınaqdan keçirmək və sağlamlıq sahəsində ciddi
transsərhəd təhdidlərə effektiv cavabvermə potensialını artırmaq.
Xüsusi məqsəd 2:
Şərq Tərəfdaşlığı ölkələri arasında əlaqələri inkişaf etdirmək, regional risklər, boşluqlar və həll
yolları barədə məlumatlılığı və bilik səviyyəsini yüksəltmək.

1. Regional simulyasiya təlimlərinin keçirilməsi;
2. Yaradılmış peşəkar icma üçün tematik vebinarların təşkili;
3. Potensialın artırılmasına yönəlmiş seminarların keçirilməsi;

4. Səhiyyə sisteminin dayanıqlığı məsələlərinə məsul olan ekspertlər, maraqlı tərəflər və
məsləhətçilər üçün regional peşəkar icmanın yaradılması;
5. ŞT ölkələri üçün ictimai səhiyyə sahəsində hazırlığa dair məlumat kitabçasının hazırlanması və
yayılması.